Nýr slökkviliðsstjóri hjá Brunavörnum Húnaþings Vestra
Valur Freyr Halldórsson hefur tekið við starfi slökkviliðsstjóra hjá Brunavörnum Húnaþings vestra. Á vefsíðu Húnaþings vestra kemur fram að Valur hefur víðtæka reynslu af störfum sem slökkviliðsmaður og bráðaliði.
„Valur hefur víðtæka reynslu af störfum sem slökkviliðsmaður og bráðatæknir. Hann hefur lokið námi frá Sjúkraflutningaskólanum og hefur löggildingu til að starfa sem sjúkraflutningamaður EMT-B/EMT-I. Hann hefur einnig lokið námi frá Brunamálaskólanum og hefur löggildingu til að starfa sem slökkviliðsmaður. Hann hefur lokið Bs námi í hjúkrunarfræði og hefur löggildingu til að starfa sem hjúkrunarfræðingur. Jafnframt hefur hann lokið bráðatækninámi frá National Medical Education and Training Center í Boston og hefur löggildingu til að starfa sem bráðatæknir. Hann starfaði sem slökkviliðs- og sjúkraflutningamaður við Slökkvilið Akureyrar á árunum 2002-2022 og var aðstoðarvarðstjóri hluta þess tíma á árunum 2007-2010 og á árinu 2022. Hann starfaði sem hjúkrunarfræðingur á gjörgæsludeild á árinu 2016. Frá 2016 til 2022 starfaði hann sem verkefnisstjóri hjá Sjúkraflutningaskólanum í hlutastarfi og frá 2022-2023 sem fag- og verkefnisstjóri skólans í fullu starfi. Hann hefur jafnframt starfað sem leiðbeinandi hjá Rauða krossinum (frá 2005), Sjúkraflutningaskólanum (frá 2006) og hjá Evrópska endurlífgunarráðinu sem ILS/ALS – EPILS/EPALS leiðbeinandi (frá 2012).
Við bjóðum Val velkominn til starfa hjá Húnaþingi vestra og þökkum fráfarandi slökkviliðsstjóra, Jóhannesi Kára Bragasyni, vel unnin störf,“ segir á vef Húnaþings vestra.
Þess má til gamans geta að Valur Freyr er ekki bara með víðtæka reynslu af störfum sem slökkviliðsmaður og bráðaliði, heldur er hann líka Hvanndalsbóðir.
Fleiri fréttir
-
Stólarnir spila í VÍS bikarnum á Skaganum annað kvöld
feykir.is Skagafjörður, Íþróttir 20.10.2024 kl. 12.47Karlalið Tindastóls spilar í 32 liða úrslitum VÍS bikarsins mánudaginn 21. október og er mótherjinn lið ÍA og fer leikurinn fram á Skipaskaga. Þetta ætti að vera mátulegur kvöldrúntur fyrir stuðningsmenn Stólanna á höfuðborgarsvæðinu að skjótast upp á Akranes enda frítt í göngin báðar leiðir...Meira -
Húnvetnskur bóndi fluttur suður með sjúkraflugi í kjölfar vinnuslyss
feykir.is Austur-Húnavatnssýsla 19.10.2024 kl. 21.05Sagt var frá því í fjölmiðlum í dag að bóndi í Austur-Húnavatnssýslu var fluttur með sjúkraflugi til Reykjavíkur til aðhlynningar eftir að hafa orðið fyrir efnabruna eftir stíflueyði. Mbl.is segir að slysið hafi átt sér stað fyrir utan sveitabæ bóndans, ekki langt frá Skagaströnd, fyrir hádegi í dag.Meira -
Útgáfufagnaður í Eymundsson vegna nýrrar bókar Magnúsar á Sveinsstöðum
feykir.is Austur-Húnavatnssýsla, Listir og menning 19.10.2024 kl. 14.01Öxin, Agnes og Friðrik. Síðasta aftakan á Íslandi – aðdragandi og eftirmál nefnist ný bók eftir Magnús Ólafsson á Sveinsstöðum. Í tilefni af útkomu bókarinnar er boðið til útgáfufagnaðar mánudaginn 21. október í versluninni Eymundsson í Austurstræti í Reykjavík og hefst fögnuðurinn stundvíslega kl. 17 þar sem allir eru velkomnir.Meira -
GDRN og Vignir Snær mættu í Grunnskólann austan Vatna
feykir.is Skagafjörður, Listir og menning, Mannlíf 18.10.2024 kl. 14.35Feykir sagði frá því í síðustu viku að skólarnir á Hvammstanga og Hofsósi hefðu komist í úrslit í Málæði, verkefni sem List fyrir alla stendur að í félagi við Bubba Morthens með það að markmiði að fá skólabörn til að semja lög og texta á íslensku. Krakkarnir á unglingastii Grunnskólans austan Vatna fékk góða gesti í heimsókn í skólann á þriðjudaginn vegna þessa.Meira -
Vonskuveður gengur yfir landið
feykir.is Skagafjörður, Austur-Húnavatnssýsla, Vestur-Húnavatnssýsla 18.10.2024 kl. 13.53Veðurstofan varar við vonskuveðri á landinu í dag en djúp lægð gengur yfir landið. Verst virðist þó veðrið eiga að vera á sitt hvoru horni landsins; Vestfjörðum og á auðausturlandi. Reiknað er með talsverðri rigningu og jafnvel roki hér á Norðurlandi vestra seinnipartinn í dag en stendur stutt yfir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.