Ný heimasíða lögreglunnar á Sauðárkróki
Lögreglan á Sauðárkróki opnaði í gær nýja vefsíðu http://www.logreglansaudarkroki.is . Er tilgangur síðunnar að auðvelda íbúum Skagafjarðar aðgang að lögreglunni og fyrir lögreglu að koma upplýsingum og ýmsu öðru efni til íbúanna.
Síðan er enn í mótun enda um lifandi vef að ræða sem mun verða í sífelldri uppfærslu og endurskoðun. Meðal efnis á síðunni er möguleiki á því að koma nafnlausum upplýsingum til lögreglu og einnig er hægt á auðveldan hátt að hafa samband við einstaka starfsmenn lögreglunnar. Einnig er á síðunni tölfræði yfir helstu verkefni lögreglunnar á Sauðárkróki ásamt svæði þar sem hægt verður að nálgast eyðublöð og form fyrir flest er viðkemur skotvopnum og endurnýjun skotvopnaskírteina. Einnig yfirlit yfir helstu lög og reglugerðir ásamt útgefnu efni, bæði frá lögreglunni á Sauðárkróki sem og öðrum lögregluembættum og stofnunum.
Fréttir og tilkynningar frá lögreglunni munu verða birtar á vefnum og verður reynt að flytja fréttir af starfi lögreglunnar jafnóðum og þær gerast. Fréttirnar eru tengdar inn á fréttavefinn www.feykir.is og munu birtast þar jafnharðan.
Er það von lögreglunnar á Sauðárkróki að almenningur muni taka vel í þessa tilraun og nýti sér margmiðlunartæknina til að efla samstarf og samskipti við lögregluna á Sauðárkróki.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.