Norræna velferðarstjórnin?
Það er áhugavert að fylgjast með hvernig ríkisstjórn sem þykist kenna sig við norræna velferð, beitir niðurskurðarhnífnum með eins ósanngjörnum hætti og raun ber vitni. Verst verður landsbyggðin að sjálfsögðu úti enda verður seint sagt að þessi ágæta ríkisstjórn sé ríkisstjórn allra landsmanna og alls ekki landsbyggðarinnar eins og sjá má af verkum hennar.
Við undirbúning fjárlagafrumvarpsins sem lagt verður fyrir Alþingi innan tíðar hefur niðurskurðarhnífnum verið beitt af áður óþekktum groddaskap og hugsunarleysi gagnvart afleiðingunum. Eftir verk þessarar ríkisstjórnar getur því orðið sviðin jörð víða um land. Menn sjá að sjálfsögðu ekki ástæðu til að hlúa að stofnunum út á landsbyggðinni sem skipta gríðarlega miklu máli fyrir samfélög sem eru í stöðugri vörn eins og sjá má í Norðvesturkjördæmi.
Ráðherra ríkisstjórnarinnar, Jón Bjarnason, sjávarútvegs-og landbúnaðarráðherra og þingmaður NV-kjördæmis, fór mikinn í kosningabaráttunni í vor og sagði að ekki kæmi til greina að skera niður á landsbyggðinni því þar væri hagvöxtur búinn að vera neikvæður í langan tíma. Hvar er Jón Bjarnason núna þegar þarf að verja landsbyggðinna?
Ríkisstjórnin kýs í sumum tilvikum að auka við útgjöld á höfuðborgarsvæðinu en draga úr framlögum annars staðar á landinu enda kemur engum heilvita manni til hugar að þessi ríkisstjórn styðji við bakið á landsbyggðinni. Lítum nú á dæmi.
- Framlög til Heilbrigðisstofnunarinnar á Blönduósi er skorið niður um 10,1% ,
- Á Sauðárkróki er framlag sjúkrahússins skorið niður um um 8,9%.
- Á Patreksfirði er niðurskurður sjúkrahússins um 8,7%.
Þessi grófi niðurskurður er langt umfram það sem aðrar heilbrigðisstofnanir þurfa að reyna. Á sama tíma aukast útgjöld aðalskrifstofu heilbrigðisráðuneytis um 8,4%, þó svo að búið sé að flytja stóran hluta verkefna frá heilbrigðisráðuneytinu yfir til félagsmálaráðuneytis. Hvar er niðurskurðarhnífurinn þar?
Þetta eru skýr skilaboð frá vinstri ríkisstjórninni, sem kennir sig við velferð, að skerða eigi þjónustu við sjúklinga og íbúa á landsbyggðinni en auka uppbyggingu á skrifstofum í Reykjavík. Þessi svokallaða velferð eru að sjálfsögðu öfugmæli. Það er a.m.k. ekki velferð fyrir alla, svo ekki sé dýpra í árinni tekið.
Ásbjörn Óttarsson, 1. þingmaður, NV-kjördæmis
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.