Nokkrar góðar með keilu
Eflaust eru einhverjir sem reka upp stór augu og hugsa… hvað er keila? En þetta er fisktegund sem maður heyrir ekki oft um og því um að gera að koma með nokkrar girnilegar uppskriftir sem innihalda þennan fisk. Keila hefur, því miður, orðið undir í samkeppninni við þorskinn og ýsuna en er mjög góður fiskur og auðvelt að nálgast hann í fiskbúðum. Keilan er löng, með sívalan bol og étur helst krabbadýr og annan smáfisk. Stærsta keilan sem veiðst hefur við Íslandsstrendur var 120 cm löng en fullvaxin er hún oftast um 40-75 cm og um 0,5-3 kg og getur orðið 40 ára gömul. (upplýsingar teknar af matis.is og audlindin.is)
RÉTTUR 1
Keila með Camembert
1 kg keila
1 tsk. mulinn rósapipar
2 tsk. jurtasalt
2 tsk. Eðalkrydd frá Pottagöldrum
1 Camembert
olía eða smjör til steikingar
Aðferð: Fiskflökin eru skorin í 5 cm bita og krydduð með rósapipar, jurtasalti (Herbamare) og Eðalkryddi. Stykkin eru steikt í smjöri eða olíu beggja vegna og sett í eldfast mót.
Sósa:
1 stór laukur – saxað smátt
1 rauð paprika – saxað smátt
olía
1 peli kaffirjómi
1 dós humarostur
1 teningur grænmetiskraftur
svartur pipar og rósapipar
2-3 msk. hvítvín
Aðferð: Laukurinn og paprikan steikt í olíu, passa að láta þetta ekki brúnast. Kaffirjóma og humarosturi bætt út í ásamt kryddinu. Hvítvínið sett síðast í. Smakkið til. Sósan fer síðan yfir fiskinn. Camembert osturinn skorinn í 1 cm þykkar sneiðar og þeim raðað ofan á hvern fiskbita. Sett inn í 200°C heitan ofn og látið vera þar til osturinn er orðinn bráðinn. Uppskrift og mynd tekin af audlind.is
RÉTTUR 2
Keila í rjóma- sinnepssósu
700 g keiluflök
30 g laukur
1 stk. hvítlauksgeiri
30 g gulrót
30 g paprika
30 g blaðlaukur
100 g hveiti
½ msk. karrí
1 dl fiskisoð
hvítvín (má sleppa)
salt
2–3 msk. sætt sinnep
1 msk. dijon sinnep
2 dl rjómi
Aðferð: Afhýðið lauk og hvítlauk og skerið laukinn í strimla en saxið hvítlaukinn. Skerið gulrót, papriku og blaðlauk í strimla. Skerið keiluflökin í strimla. Steikið grænmetið snöggt á pönnu. Veltið keilustrimlunum upp úr hveiti og setjið á pönnuna með grænmetinu. Kryddið með karríi og steikið áfram. Bæti fiskisoði og hvítvíni á pönnuna, síðan sætu sinnepi og dijon sinnepi og síðast rjómanum. Sjóðið við vægan hita þar til sósan þykknar og bragðbætið með salti. Réttinn er gott að bera fram með hrísgrjónum og nýju brauði. Uppskrift tekin af mbl.is (Hagkaup)
RÉTTUR 3
Grilluð keila í creola marineringu
1 kg, roð- og beinlaus keila
½ tsk. karríduft
½ tsk paprikuduft
½ tsk hvítlauksduft
¼ tsk þurrkað chili
3 dl. Filippo Berio Light ólífuolía
salt
Aðferð: Blandið saman öllum þurrefnunum og hrærið, setjið síðan olíuna út í. Skerið keiluna í hæfilega stór stykki, u.þ.b. 200-250 g, og leggið hana í marineringuna. Látið hana liggja í u.þ.b. 10 mínútur í marineringunni, á meðan er gott að hita grillið mjög vel. Hafið grillið í botni meðan grillað er. Þegar búið er að setja keiluna á grillið þá á ekki að hreyfa við henni í nokkrar mínútur á meðan fiskurinn er að brenna sig frá grillinu. Grillið í u.þ.b. 5 mínútur á hvorri hlið. Gott er að hafa með þessu bökunarkartöflur skornar í tvennt og grillaðar á sárinu, ásamt fersku salati. Uppskrift tekin af kokkarnir.is
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.