Nick Tomsick búinn að skrifa undir við Tindastól
Þau tíðindi bárust út í dag að körfuknattleiksmaðurinn Nick Tomsick væri búinn að skrifa undir samning við körfuknattleiksdeild Tindastóls fyrir næsta tímabil. Tomsick lék með Stjörnunni í vetur en var undir stjórn núverandi þjálfara Stólanna, Baldurs Þórs Ragnarssonar, í Þór Þorlákshöfn tímabilið þar áður.
Baldur segir þá félaga hafa verið í góðu sambandi og þeir rætt eftir tímabilið möguleikana á að vinna aftur saman. „Við náðum að landa þessu í dag,“ sagði Baldur í samtali við Feyki. „Tomsick spilaði mjög vel með Stjörnunni í vetur og hefur sýnt fram á það að hann er hágæða leikmaður, þannig að þetta er klárlega góð viðbót við liðið.“
Aðspurður um afdrif körfuboltans í vetur segist Baldur klárlega hafa viljað klára úrslitakeppnina. „Mér fannst maður vera með lið sem, ef allt hefði smollið, hefði klárlega getað farið alla leið. Mér fannst góður andi í liðinu og að það gæti gert góða hluti í úrslitakeppninni en við munum aldrei komast að því,“ segir hann.
Þá er bara að horfa til næsta tímabils og halda áfram því góða starfi sem körfuboltasamfélagið er að gera í Skagafirðinum og út um allt land þar sem stuðningsfólkið er víða.
Áfram Tindastóll!
Fleiri fréttir
-
Áskorun til verðandi alþingismanna | Magnús Jónsson skrifar
feykir.is Skagafjörður, Aðsendar greinar 08.11.2024 kl. 14.46Á nýlega afstöðnum landsfundi Landssambands smábátaeiganda (LS) var eftirfarandi ályktun samþykkt samhljóða af um 70 fulltrúum allra þeirra 16 svæðisfélaga sem eiga aðild að LS:Meira -
Krafa um árangur í atvinnu- og samgöngumálum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.11.2024 kl. 13.37Samfylkingin gerir kröfu um árangur í atvinnu- og samgöngumálum. Fólk í landinu vill öryggi í samgöngum og öflugt atvinnulíf um land allt. Öruggar samgöngur eru lífæð samfélagsins. Fólk sækir vinnu og þjónustu á milli byggðarlaga og gerir þá sjálfsögðu kröfu að komast öruggt á milli staða. Það er á ábyrgð stjórnmálafólks að þessir innviðir séu í lagi.Meira -
Við stöndum þétt saman! Við snúum bökum saman!
feykir.is Skagafjörður, Austur-Húnavatnssýsla, Vestur-Húnavatnssýsla 08.11.2024 kl. 13.21Í dag 8. nóvember er formlega settur af stað söfnunardagur fyrir Kristinn Frey Briem sem á fyrir höndum krefjandi verkefni í baráttu sinni við krabbamein.Meira -
130 umsóknir í Uppbyggingarsjóð Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.11.2024 kl. 12.50Metfjöldi umsókna var í Uppbyggingarsjóð Norðurlands vestra fyrir árið 2025 en alls bárust 130 umsóknir. Á vef SSNV segir að þar af hafi verið 50 atvinnu- og nýsköpunar verkefni, 69 menningarverkefni og 11 umsóknir um stofn- og rekstrarstyrk. Alls var óskað eftir 242.821.781kr en til úthlutunar eru 60 milljónir.Meira -
Kláruðu heyskap í október
feykir.is Skagafjörður, Lokað efni 08.11.2024 kl. 12.45Þorbergur Gíslason og Birna Valdimarsdóttir eru kúabændur í Glaumbæ 2 í Skagafirði og búa þar ásamt börnunum þrem þeim, Valdimar Árna, Vigni Frey og Kristjönu Dís. Mjólkurkýrnar eru 60 og gripauppeldið telur 100. Ef allt er talið með þá eru merarnar sjö, hænunar tíu og einn köttur. Birna er menntuð í háriðn og Þorbergur húsasmíðameistari en hafa verið bændur síðan þau keyptu búið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.