Milljón í kirkjurannsókn
Stjórn Vaxtarsamnings Norðurlands vestra hefur veitt Fornleifadeild Byggðasafns Skagfirðinga 1 millj. kr. í styrk til að vinna að verkefni sem nefnt hefur verið skagfirska kirkjurannsóknin. Hún snýst um að leita að skrá og kanna/grafa í elstu kristnu grafreiti héraðsins. Tilgangurinn er að fá upplýsingar um: 1) fjölda kirkjugarða fyrir 1300, 2) samfélagsgerð á fyrstu öldum kristni, 3) kirkjulega þróun og 4) byggðaþróun.
Næsta sumar er fyrirhugað að kanna betur leifar elsta bæjarstæðisins í Glaumbæ í þeim tilgangi að ganga úr skugga um hvort kirkjustæðið þar hefur verið fært til eins og bæjarstæðið. Við rannsókn á fornleifum í Glaumbæ skapast einstakt tækifæri til að nýta þá sérfræðiþekkingu sem þegar er til í Skagafirði með áherslu á frekari uppbyggingu á sviði menningararfsfræða og rannsókna innan héraðs og er mikilvægur hluti kirkjurannsóknarinnar sem og annarra byggðasögurannsókna. Rannsóknin mun stuðla að uppbygginu sérþekkingar og sérhæfingar innan héraðs og í alþjóðlegu fræðastarfi.
Verkefnið er áætlað til þriggja ára en sótt var um styrk til fyrsta þáttar þess sem er staðsetning og yfirborðsrannsókn minja utan þess hluta skálabyggingarinnar sem þegar hefur verið staðsett.
Meginmarkmið rannsóknarinnar er að:
- Kanna hversu heillegar minjarnar syðst á rústasvæðinu eru og ganga þannig frá þeim að þær verði ekki fyrir frekari skemmdum af manna völdum.
- Kanna gerð minjanna og útlit og ákvarða hvort fleiri minjar sé að finna á svæðinu aðrar en leifar smiðju sem þekktar eru úr fyrri rannsókn.
- Fá heildarmynd af elsta byggingaskeiði Glaumbæjar.
- Geta ákveðið hvernig haga skal frekari rannsóknir í Glaumbæ þar sem einstakir möguleikar eru til að nýta minjarnar í þágu menntunar og ferðaþjónustu, þar sem staðurinn er einn af fjölsóttustu ferðamannastöðum landsins.
Fleiri fréttir
-
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgerði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk.kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira -
Prjónagleði 2025 verður haldin frá 30. maí til 1. júní
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.12Helgina 30. maí til 1. júní verður Prjónagleðin haldin í níunda sinn á Blönduósi í Húnabyggð en þessi metnaðarfulla hátíð er ætluð áhugafólki um prjónaskap og handavinnu, byrjendum sem og lengra komnum. Undanfarin ár hefur Textílmiðstöð Íslands í samstarfi við heimamenn og ýmsa prjónasérfræðinga haldið utanum Prjónagleðina en í ár er skipulag og framkvæmd hátíðarinnar í umsjón Húnabyggðar.Meira -
Stóri plokkdagurinn á sunnudaginn, 27. apríl
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 09.30Stóri plokkdagurinn verður haldinn hátíðlegur sunnudaginn 27. apríl næstkomandi og þá plokka landsmenn sem aldrei fyrr. Eftir veturinn bíður okkar heilmikið verkefni við að hreinsa allt sem undan snjónum kom ásamt öllu öðru rusli sem finnst á víðavangi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.