Mikilvægur sigur á Magna á Grenivík
Það er óhætt að fullyrða að 2. deild karla í knattspyrnu er hnífjöfn í sumar. Þannig mætti lið Tindastóls, sem er í botnbaráttu deildarinnar, liði Magna á Grenivík í gærkvöldi, en með sigri hefðu Grenvíkingar tyllt sér á topp deildarinnar. Það fór á annan veg því að það voru Tindastólsmenn sem unnu gríðar mikilvægan sigur og skoluðu sér, um stundarsakir í það minnsta, upp í áttunda sæti deildarinnar. Lokatölur 1-2.
Reynsluboltinn Bjarki Már Árnason var kominn í vörn Stólanna í gærkvöldi, en hann hefur það sem af er sumri spilað með liði Drangeyjar, enda menn nokkuð vissir um að síðustu efri deilda tæklingarnar hefðu verið togaðar úr honum síðasta sumar. Nei nei. Stólarnir voru komnir yfir eftir 90 sekúndur þegar Raggi Gunn refaðist á fjærstöng og skilaði boltanum af öryggi í Magnamarkið eftir laglegt uppspil Stólanna á vinstri kanti. Tindastólsmenn voru spila ágætlega í fyrri hálfleik og á 25. mínútu unnu þeir hornspyrnu og eftir smá klafs í teignum skóflaði Konni Sigga Donna boltanum í markið og skoraði þar með fyrsta mark sitt í sumar. Staðan 0-2 í hálfleik.
Það mátti reikna með því að heimamenn reimuðu skóna betur á sig fyrir átök síðari hálfleiks og sú varð raunin. Nú lá talsvert á Stólunum sem vörðu forystu sína með kjafti og klóm. Á 74. mínútu fékk Brentton markvörður Muhammad hins vegar dæmt á sig víti eftir brot fjarri boltanum. Stuðningsmenn Magna heimtuðu víti og rautt en víti og gult fannst Þóroddi Hjaltalín, dómara leiksins, vera nóg. Úr vítinu skoraði Kristinn Þór Rósbergsson þó Brentton hafi ekki verið langt frá því að verja. Grenvíkingar höfðu því um 20 mínútur til að jafna leikinn en það hafðist ekki og fyrsti sigur Stólanna undir stjórn Stefáns Arnars staðreynd.
Þetta var í annað skiptið sem Tindastóll og Magni mætast í sumar og í báðum tilfellum unnust 1-2 útisigrar, en Stólarnir þóttu afar óheppnir að tapa fyrri leiknum heima eftir slysamark í uppbótartíma. Þá hefur Feykir heyrt því fleygt að helmingi fleiri Grenvíkingar hafi í gær verið í liði Tindastóls en í liði Magna. Magnað ef rétt er en við seljum það ekki dýrara en við keyptum það.
Næsti leikur Tindastóls er gegn Hetti Egilsstöðum hér á Sauðárkróksvelli þann 19. ágúst. Það mun vera svo kallaður sex stiga leikur. Áfram Tindastóll!
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.