Mikilvægur leikur Tindastóls í kvöld
Tindastóll leikur sinn mikilvægasta leik á tímabilinu til þessa í kvöld þegar liðið tekur á móti ÍR, en bæði þessi lið eru í mikilli baráttu um sæti í úrslitakeppninni. Eru bæði með 14 stig, eins og reyndar Hamar og Fjölnir, eftir leiki gærdagsins.
Fjölnir sigraði Breiðablik í gærkvöldi og sendi þá grænu niður um deild í leiðinni. Hamarsmenn töpuðu heima gegn Stjörnunni. ÍR-ingar eru sem stendur í 7. sæti, Hamar í því 8. Tindastóll í 9. og Fjölnir í 10. sæti. Innbyrðisúrslit ráða röð liðanna eins og staðan er í dag.
Hamar á útileik við Keflavík í síðustu umferðinni, en Keflvíkingar eru í harðri baráttu á toppi deildarinnar. ÍR á heimaleik gegn Grindavík í síðustu umferðinni, en þar er sagan sú sama, Grindvíkingar þurfa nauðsynlega að sigra til að koma sér betur fyrir ofarlega í deildinni áður en úrslitakeppnin skellur á. Tindastóll á svo útileik við Fjölni á fimmtudaginn.
Sigri Tindastóll í kvöld hefur liðið tyllt rúmlega öðrum fætinum í úrslitakeppnina, fari leikirnir í síðustu umferðinni hjá ÍR og Hamar eftir bókinni. Þá gæti leikur Fjölnis og Tindastóls á fimmtudaginn verið úrslitaleikur um það hvort liðið verður í 7. eða 8. sæti.
Tindastóll þarf helst að stigar ÍR-inga með meira en 4 stiga mun, þar sem liðið tapaði fyrir ÍR í fyrri leik liðanna 97-93 eftir framlengingu, þannig tryggir liðið sér betri útkomu í innbyrðisviðureignunum sem gæti reynst dýrmætt þegar upp verður staðið.
Það verður hart barist í Síkinu í kvöld, það er nokkuð ljóst og full ástæða til að hvetja stuðningsmenn Tindastóls um að fjölmenna á leikinn og styðja strákana frá fyrstu mínútu og allt til loka.
Fleiri fréttir
-
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira -
Sóttu tuttugu og fimm kindur í Staðarafrétt
feykir.is Skagafjörður, Lokað efni 19.03.2025 kl. 12.00Farið var til eftirleita í Staðarafrétt sl. laugardag og náðust tuttugu og fimm kindur, sem voru víða af upprekstrarsvæðinu. Flestar voru kindurnar úr Hegranesi, eða níu talsins, sjö voru af Reykjaströnd, fimm úr Gönguskörðum, tvær af Langholti, eitt lamb frá Sauðárkrók og eitt úr Húnavatnssýslu.Meira -
Ferðin á Heimsenda frumsýnd á Blönduósi
feykir.is Austur-Húnavatnssýsla, Lokað efni 19.03.2025 kl. 11.50Leikfélagið á Blönduósi frumsýnir 3.apríl nk. barnaleikritið Ferðin á Heimsenda eftir Olgu Guðrúnu Árnadóttur rithöfund. Ferðin á heimsenda er barnaleikrit sem fjallar um ferðalagið á Heimsenda með verndargripinn geislaglóð sem þarf að fylla af sólarorku svo ekki fari illa fyrir álfaheiminum. Leikritið er fullt af ævintýralegum persónum, álfum, galdrakall, ömmu og hetjum. Verkið er sérstaklega skapað fyrir börn og til að börn geti notið þess að vera í leikhúsi og hentar allri fjölskyldunni. Feykir tók tal af Evu Guðbjartsdóttur formanni leikfélagsins á Blönduósi og spurði hana nokkrar spurningar um gang mála.Meira -
Rokkkórinn heimsækir þrjú sveitarfélög
feykir.is Skagafjörður, Vestur-Húnavatnssýsla, Lokað efni 19.03.2025 kl. 11.21Nú næstu daga stendur mikið til hjá Rokkkórnum þegar hann verður með þrenna tónleika í þremur mismunandi sveitarfélögum. Fyrst verða tónleikar í Lindakirkju í Kópavogi þann 22. mars. nk., því næst verða tónleikar í Miðgarði í Skagafirði 27. mars og að lokum í Félagsheimilinu Hvammstanga 29. mars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.