Michael Giovacchini til Tindastóls
Körfuknattleiksdeild Tindastóls hefur gengið frá samkomulagi við Michael Giovacchini um að leika með liðinu í vetur. Hann er bandarískur leikstjórnandi en er með ítalskt vegabréf og kemur úr mikilli leikstjórnandafjölskyldu. Þetta kemur fram á vef Tindastóls.
Michael kemur úr Dartmouth háskólanum sem leikur í 1. deild háskólaboltans og er í hinni svokölluðu Ivy-deild, en hann útskrifaðist þaðan 2008 úr stjórnsýslufræðum. Hann lék ekkert á síðasta tímabili þar sem umboðsmaður hans á Ítalíu gat ekki útvegað honum starf þar við hæfi vegna nýrra vegabréfsreglna.
Michael er 181 cm á hæð og kemur úr mikilli leikstjórnandafjölskyldu ef svo má segja, því afi hans, pabbi, frændi og tveir bræður, hafa allir leikið körfubolta sem leikstjórnendur. Elsti bróðir hans hefur til að mynda verið atvinnumaður á Ítalíu í mörg ár.
Karl Jónsson þjálfari Tindastóls telur Michael vera góðan kost fyrir liðið og líklega sá sem getur leitt liðið í vetur með skynsamlegum leik samkvæmt því sem Karl hefur séð í hinum nýja leikmanni. Hann mun einnig taka að sér þjálfun eins af yngri flokkum Tindastóls í vetur.
Tindastóll hefur nú fyllt leikmannahópinn með reyndum og kappsfullum strákum sem bíða eftirvæntingafullir eftir að deildin byrji en stefnt er að því að Michael og hinn erlendi leikmaður liðsins Ricky Henderson, komi til landsins í fyrstu viku septembermánaðar.
Fleiri fréttir
-
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira -
Katrín segir upp sem framkvæmdastjóri SSNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 18.03.2025 kl. 08.54Í fundargerð SSNV frá 11. mars síðastliðnum kemur fram að Katrín M Guðjónsdóttir, sem verið hefur framkvæmdastjóri SSNV í um það bil tvö og hálft ár, hefur lagt fram uppsögn á starfi sínu með ósk um að láta að störfum hið fyrsta. Stjórn SSNV þakkaði Katrínu fyrir vel unnin störf í þágu samtakanna og samfélagsins alls og óskar henni velfarnaðar í nýju starfi.Meira -
Stólastúlkur með sigur í síðustu umferð Lengjubikarsins
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.03.2025 kl. 23.08„Við erum mjög ánægð með leikinn í gær heilt yfir. Fylkir féll í fyrra og hefur misst nokkra öfluga leikmenn en voru þó með hörku leikmenn i gær og úr varð mjög flottur leikur,“ sagði Donni þjálfari Sigurðsson þegar Feykir spurði hann hvað honum hefði fundist um leikinn en lið Tindastóls bar sigurorð af Fylki í lokaumferð riðlakeppni Lengjubikarsins á sunnudaginn. Lokatölur 2-0.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.