Menntamálaráðherra heimsækir Fjölbrautaskólann
Mennta- og menningarmálaráðherra, Katrín Jakobsdóttir, heimsótti FNV s.l. þriðjudag ásamt föruneyti sínu. Hún hóf heimsóknina með viðræðum við skólastjórnendur og hélt síðan á fund nemenda á Sal skólans. Þar veitti hún viðtöku réttindayfirlýsingu framhaldsskólanema úr hendi Bryndísar Lilju Gísladóttur, en 17. nóvember er alþjóðlegur dagur framhaldsskólanema. Í tilefni dagsins fór herferð af stað sem ber yfirskriftina „Kveikjum á perunni” og er ætlað að kynna réttindayfirlýsingu framhaldsskólanema og Sambands íslenskra framhaldsskólanema (SÍF).
Réttindayfirlýsingin er gerð með það í huga að framhaldsskólanemar með mismunandi menningar- og efnahagslegan bakgrunn geti nýtt sér hana og staðið saman í baráttunni fyrir bættum kjörum. Ráðherra hvatti nemendur til dáða og lagði áherslu á lýðræði í skólastarfi auk þess sem hún svaraði spurningum úr sal.
Að loknum fundi á Sal átti ráðherra fund með starfsfólki FNV á kennarastofu þar sem starfsfólki gafst kostur á að ræða málefni framhaldsskóla þ.á.m. stöðu námskrárgerðar og fjármál skólans, en FNV, líkt og aðrir framhaldsskólar, stendur frammi fyrir talsverðum niðurskurði á fjárveitingum næsta árs að öllu óbreyttu.
Að sögn Jóns F. Hjartarsonar skólameistara hefur lengi staðið til að menntamálaráðherra heimsækti skólann og fannst Jóni fundurinn hafi verið góður og gagnlegur. –Að sjálfsögðu viljum við taka þátt í því að spara á erfiðum tímum og allir þurfa að líta til hagræðingar en best færi á því að margar hendur vinni létt verk, segir Jón. Veruleg hækkun húsaleigugjalda skólans varð snemma á þessu ári án þess að auknar fjárveitingar fylgdu með frá hinu opinbera, en alls nam hækkunin um 21 milljón króna á ársgrundvelli, og má þar nefna að leiga á húsnæði heimavistar hækkaði um 95% á milli ára, en um 37% vegna Bóknámshússins og Verknámshússins. Þá fékk skólinn ekkert framlag vegna leigu á íþróttahúsi, sundlaug og reiðhöll á þessu ári og því næsta eins og fram kemur í frumvarpinu.
–Þetta sýnir að ekki dugar hagræðing í rekstri utan launaliðar svo sem með því að draga eingöngu úr pappírsnotkun eða minnka kaup á bréfaklemmum og frímerkjum, segir Jón og bætir við, að af illri nauðsyn varð að bregðast við í tíma með uppsögnum á stöðuhlutfalli sem má afturkalla ef forsendum verður breytt fyrir fjárveitingum til skólans. Jón gerir sér vonir um að þessi fundur hafi skilað árangri og stjórnvöld muni endurskoða forsendur í frumvarpi til fjárlaga og kynni þá að koma til þess að uppsagnir yrðu dregnar til baka.
Ráðherra lauk heimsókn sinni skömmu fyrir hádegi með skoðunarferð um húsnæði skólans. Stjórnendur, starfsfólk og nemendur FNV kunna ráðherra bestu þakkir fyrir góða heimsókn.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.