Menningar- og hátíðardagskrá í Fellsborg í kvöld
Samkvæmt tillögu menntamálaráðherra hefur Dagur íslenskrar tungu verið haldinn hátíðlegur á fæðingardegi Jónasar Hallgrímssonar, þann 16. nóvember, frá árinu 1996. Í Höfðaskóla er dagurinn einnig helgaður minningu Elínborgar Jónsdóttur fyrrverandi kennara við skólann.
Af því tilefni mun Höfðaskóli standa fyrir menningar- og hátíðardagskrá fyrir bæjarbúa í félagsheimilinu Fellsborg föstudagskvöldið 13. nóvember og hefst hún kl. 18:00.
Nemendur skólans munu syngja, leika, flytja ljóð, sögur o.fl.
Í ár tengist dagskráin heimabyggðinni.
Um þessar mundir er Höfðaskóli 70 ára og því mun skólafélagið með aðstoð foreldra barna í skólanum bjóða upp á tertuhlaðborð að lokinni dagskrá. Bæjarbúar eru hvattir til að fjölmenna í Fellsborg í kvöld.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.