Matgæðingur vikunnar - Moussaka og ein frönsk
Linda Fanney og Jóhannes Björn | Hafnarfirði
Matgæðingar vikunnar, tbl 5 2022, eru Linda Fanney Valgeirsdóttir frá Vatni á Höfðaströnd og eiginmaður hennar, Jóhannes Björn Arelakis frá Siglufirði. Linda Fanney starfar sem framkvæmdastjóri nýsköpunarfyrirtækisins Alor ehf. og Jóhannes er sérfræðingur hjá Advania. Þau búa í Setberginu í Hafnarfirði ásamt dætrunum Karólínu Bríeti og Steinunni Diljá.
Linda segist einungis hafa samþykkt að taka þátt í áskoruninni ef Jóhannes væri einnig með. „Verkaskiptingin á heimilinu er þannig að hann eldar og ég baka.“ Þar sem Jóhannes er hálfur Grikki liggur beinast við að deila grískri uppskrift með lesendum Feykis auk einnar klassískrar blautrar, franskrar súkkulaðiköku sem aldrei klikkar.
AÐALRÉTTUR
Moussaka
2 dl olía til steikingar
500 g hakk - lamba eða nauta
500 g kartöflur
500 g eggaldin skorið í sneiðar
1 hvítlauksgeiri, fínsaxaður
1 stór laukur, fínsaxaður
salt og pipar
1 1/2 kg tómatar saxaðir (aðeins síaður safinn frá þeim)
1 tsk. kanill
1 tsk. cumin
1 tsk. oregano
1 tsk. allrahanda krydd
2 dl hvítvín
Gruyere ostur (má nota raclette eða svipað)
söxuðu steinselja
Bechamel sósa:
6 msk. smjör
2 dl hveiti
600 ml mjólk aðeins hituð upp
salt og hvítur pipar
2 msk. rifinn parmesan ostur
2 eggjarauður
Toppur:
1/2 dl rifinn parmesan eða Guyere
1/2 dl brauðrasp
Aðferð: Sjóðið kartöflunar í 10 mín. í söltuðu vatni. Skrælið kartöflunar, skerið í jafnar sneiðar um 0,5 sm þykkar og þerrið aðeins. Steikið kartöfluskífunar upp úr olíunni á pönnu eða í steypujárnspotti þangað til þær eru gullinbrúnar á báðum hliðum. Takið af pönnunni og þerrið á eldhúspappír. Setjið laukinn og hvítlaukinn út á sömu pönnu og steikið þangað til laukurinn er orðinn mjúkur. Bætið kjötinu, salti og pipar út í eftir smekk, tómötunum, kryddinu og hvítvíninu. Steikið á pönnunni í um 20 mín. þannig að úr verði kjötsósa. Bætið við osti og steinselju. Hitið olíu á annarri pönnu og veltið eggaldinssneiðunum upp úr hveiti og steikið á báðum hliðum þangað til þær eru gullinbrúnar. Takið eldfast mót og raðið kartöfluskífum neðst. Því næst eggaldinsneiðum og setjið helminginn af kjötsósuni yfir. Bætið annari umferð af kartöflum og eggaldinsneiðum og setjið svo restina af kjötsósunni yfir og endið svo á kartöflum og eggaldinsneiðum þannig að þær séu efst.
Bechamel sósa:
Bræðið smjör í potti á lágum hita. Takið af heitri hellunni og bætið hveitinu við rólega þangað til vel blandað saman. Setjið pottinn aftur á heita helluna og bætið mjólkinni og kryddi rólega saman við. Hrærið stöðugt í á meðan. Látið malla í 10 mín. þangað til sósan þykknar upp. Takið af hellunni og látið standa í 2 mín. Bætið síðan eggjarauðum og ostinum út í. Hrærið vel saman. Ætti að mynda þykka sósu. Hellið síðan sósunni yfir kjötréttinn í eldfasta mótinu. Stráið smá osti og brauðraspi yfir og bakið í ofni í 1 klst. við 175°C.
EFTIRRÉTTUR
Frönsk súkkulaðikaka
300 g suðusúkkulaði
200 g smjör
4 egg
2 dl flórsykur
1 1/2 dl hveiti
1/2 tsk. lyftiduft
ögn af salti
Krem:
200 g suðusúkkulaði
70 g smjör
2 msk. sýróp
Aðferð: Bræðið saman súkkulaði og smjör við lágan hita. Þeytið saman egg og flórsykur þar til blandan verður ljós og létt. Hrærið súkkulaðiblöndunni varlega saman við og því næst þurrefnunum. Bakið í smelluformi sem klætt hefur verið með smjörpappír. Bakið í 30 mín. í miðjum ofni við 160°C með blæstri en 180°C án blásturs. Látið kólna aðeins í forminu áður en kreminu er smurt yfir allt saman. Líka hliðarnar. Það er lykilatriði.
Verði ykkur að góðu!
Linda Fanney og Jóhannes skora á stórvini sína, Söru Katrínu og Hjölla píp, að eiga næsta leik.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.