Margrét Rún, Bessi og Domi skrifa undir við Stólana
Á ágætri heimasíðu Tindastóls segir að unglingalandsliðsmarkvörður Íslands, hin bráðefnilega Margrét Rún Stefánsdóttir, hafi skrifað undir tveggja ára samning við knattspyrnudeild Tindastóls og verður því áfram með Stólastúlkum næstu tvö sumur. Þá hafa Eysteinn Bessi Sigmarsson og Juan Carlos Dominguez Requena skrifað undir tveggja ára samning við Stólana.
Margrét er fædd árið 2005 og hefur verið viðloðandi yngri landslið Íslands undanfarin ár og nú nýlega var hún valin í lokahóp U17 ára landsliðsins fyrir undankeppni EM sem fram fer á Írlandi dagana 23. - 29. mars. Margrét á að baki 3 landsleiki fyrir U17 og U16 ára lið Íslands og fjóra leiki fyrir meistaraflokk Tindastóls.
„Mér lýst mjög vel á það,“ segir Margrét í spjalli við Tindastóll.is þegar hún er spurð út í komandi sumar með liði Tindastóls í Lengjudeildinni. „en þetta verður ekki létt sumar hjá okkur í meistaraflokki og þurfum við að leggja okkur allar fram í leikjum ef við viljum sömu úrslit og á tímabilinu 2020. Við erum að byggja aftur upp gott lið og hef ég alla trú á okkur í sumar. Hjá 2. flokki er ég mjög spennt að fá að spila með jafnöldrum, við erum með margar ungar og efnilegar stelpur þar. Við erum að byggja upp lið fyrir sumarið sem gengur ágætlega og er ég bjartsýn,” segir Margrét að lokum en ítarlegra viðtal við hana má finna hér >
Karlalið Tindastóls styrkir sig fyrir sumarið
Eins og sagði í inngangi þá hafa Bessi og Domi skrifað undir samninga við knattspyrnudeild Tindastóls. Bessi er uppalinn Tindastólsmaður, sprækur sóknarmaður, og hefur spilað með liði Drangeyjar á Króknum, Samherjum í Eyjafirði, liði Kormáks/Hvatar og Tindastól. Alls staðar hefur kappinn skorað – nema með liði Stólanna en vonandi lagar hann það í sumar.
Domi kemur frá Spáni og leikur sem varnarmaður. Hann kom hingað til lands árið 2018 og spilaði fyrst með Kormáki/Hvöt. Hann gekk síðan til liðs við Tindastóls árið 2019 en staldraði stutt við en í fyrra gekk hann til liðs við Tindastól á ný. Hann hefur leikið 32 leiki fyrir Kormák/Hvöt og 18 leiki fyrir Tindastól. „Domi hefur komið sér vel fyrir á Króknum, kominn með konu og börn og því er óhætt að kalla hann heimamann,“ segir í frétt á Tindastóll.is.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.