,,Mamma og föðuramma kenndu mér fyrstu handtökin,,
Helga er Skagfirðingur í húð og hár og býr á Sauðárkróki með manninum sínum. Þau eiga fjögur börn, þrjú tengdabörn og fimm barnabörn.
Hve lengi hefur þú stundað hannyrðir? Mamma og föðuramma kenndu mér fyrstu handtökin. Þá hef ég verið 6-7 ára gömul. Fyrstu viðfangsefnin voru áteiknaðar strammamyndir og dúkur með kontorsting. Í grunnskóla var mikil og góð handavinnukennsla, bæði í Hróarsdal, þar sem bæði strákar og stelpur unnu jafnt að saumum og smíðum, og svo þegar ég kom í skólann á Króknum var mjög góð kennsla líka. Ég hef prófað alls konar handavinnu, t.d. macramé hnýtingar, steinaðar myndir, keramikmálun, postulínsmálun, perlusaum og bucillu. Ég hef sótt námskeið og svo nota ég internetið mikið til að læra nýja tækni. Svo er ég í handavinnuhópi eldri borgara hér á Króknum og þar hef ég lært ýmislegt af okkar yndislegu leiðbeinendum.
Hvaða handavinna þykir þér skemmtilegust? Ætli það sé ekki skemmtilegast að prjóna en það er samt svo margt sem er skemmtilegt eins og t.d. hekl og útsaumur sem er næst á vinsældalistanum.
Hverju ertu að vinna að um þessar mundir? Ég er yfirleitt með nokkur verkefni í gangi í einu. Ég er að sauma dúk með harðangursútsaumi, ég er líka að prjóna borðatuskur, þær eru svo þægilega litlar til að hafa sem handavinnu á ferðalögum/í útilegu. Svo eru ýmsar jólagjafir á dagskrá sem ég get ekki sagt frá núna.
Hvar færðu hugmyndir? Ég er í nokkrum handavinnuhópum á Facebókinni, íslenskum, norskum og sænskum. Svo fæ ég líka hugmyndir frá Sigríði dóttur minni.
Hvaða handverk sem þú hefur unnið ertu ánægðust með? Það er brúðarsjal sem ég prjónaði fyrir tengdadóttur mína.
Eitthvað sem þú vilt bæta við? Handavinna veitir mér slökun og hugarró. Svo er gaman að búa til flíkur og hluti sem fjölskylda og vinir vilja nota og njóta.
Áður birst í tbl. 34 Feykis 2022.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.