Mál Jónu Fanneyjar komið fyrir dómstóla
Jóna Fanney Friðriksdóttir, fyrrverandi bæjarstjóri á Blönduósi, hefur höfðað mál fyrir Héraðsdómi Norðurlands vestra á hendur sveitarfélaginu og krefst tæplega 2,3 milljóna króna í miska- og skaðabætur vegna meintra brota á jafnréttislögum.
Krefst Jóna Fanney þess fyrir dómi að Blönduósbær viðurkenni að sá munur sem var á launum hennar þegar hún var bæjarstjóri, og launum núverandi bæjarstjóra, Arnars Þórs Sævarssonar, sé ólögmætur og brot á jafnréttislögum.
Stefnan var lögð fram til kynningar á síðasta bæjarráðsfundi Blönduóssbæjar 6. maí síðastliðinn, en sveitarfélagið tók við stefnunni formlega þann 14. apríl.
Jóna hafði áður boðið sátt í málinu gegn því að sveitarfélagið greiddi málskostnað auk hálfrar milljón í bætur. Sveitarfélagið hafnaði því og því er málið nú komið fyrir dómsstóla.
Arnar Þór er þriðji bæjarstjóri Blönduósbæjar á kjörtímabilinu en í veikindaleyfi Jónu Fanneyjar árið 2007 var ráðinn afleysingarbæjarstjóri, Hulda Ragnheiður Árnadóttir sem var með 900 þúsund í mánaðarlaun og gengdi stöðu fjármálastjóra samhliða stöðu bæjarstjóra á móti 750 þúsund króna mánaðarlauna Arnars Þórs.
Jóna Fanney situr nú ein í minnihluta í bæjarstjórn og er utan nefnda.
Fleiri fréttir
-
Sögur og sagnir af Skaga og upp til heiða og dala
feykir.is Austur-Húnavatnssýsla, Listir og menning, Lokað efni 02.04.2025 kl. 14.36Skagabyggð fékk á árinu 2024 styrk úr Uppbyggingarsjóði Norðurlands vestra til að safna og taka upp á stafrænt form ýmsar sagnir og fróðleik sem nota mætti í sögutengda ferðaþjónustu. Starfshópur á vegum Skagabyggðar og síðan Húnabyggðar eftir sameiningu, tók upp töluvert efni í viðtölum við fólk sem hafði sögu að segja og fróðleik að miðla.Meira -
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira -
Fáliðaðar Stólastúlkur áttu ekki roð í Íslandsmeistarana
feykir.is Skagafjörður, Íþróttir, Lokað efni 01.04.2025 kl. 09.37Úrslitakeppnin í Bónus deild kvenna hófst í gærkvöldi og lið Tindastóls sótti þá Íslandsmeistara Keflavíkur heim. Israel og Hlynur mættu með aðeins átta stúlkur til leiks en meðal annars vantaði bæði Ilze og Rannveigu í hópinn en þær voru veikar. Heimaliðið byrjaði vel og hleypti gestunum í raun aldrei inn í leikinn. Staðan í hálfleik var 46-33 en lokatölur 91-62.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.