Lummuuppskrift dagsins
Margar góðar og fjölbreyttar lummuuppskriftir streyma nú í lummukeppnina sem haldin verður á morgun á Lummudögum. En ef það er einhver sem ekki á lummuuppskrift kemur hér ein sem tekin er úr hinni bráðnauðsynlegu bók Unga fólkið og eldhússtörfin.
Lummur (klattar)
1,5 dl hveiti
1 tsk lyftiduft
1 msk sykur
0.5 dl haframjöl eða 1,5 dl hafragrautur
1 egg
1,5 – 2 dl mjólk
25 g smjörlíki
1-2 msk rúsínur (má sleppa).
1. Smjölíkið er brætt á pönnunni við lítinn hita. Látið kólna örlítið.
2. Hveiti og lyftiduft er sigtað saman í skál. Haframjöli og sykri bætt í.
3. Helmingurinn af mjólkinni er hrært út í. Hrært vel í kekkjalausan jafning.
4. Eggið er látið í, síðan það sem eftir er af mjólkinni.
5. Bráðið smjörlíkið er látið saman við, ásamt rúsínum ef notaðar eru.
6. Pannan hituð á miðstraum.
7. Deigið er látið á pönnuna með matskeið, 3-4 lummur í senn. Snúið með spaða. Bakaðar ljósbrúnar á báðum hliðum.
8. Lummunum er raðað á disk eða fat og örlitlum sykri stráð yfir. Lummur eru bestar nýbakaðar með sykri, aldinmauki eða sírópi.
Fleiri fréttir
-
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira -
Sóttu tuttugu og fimm kindur í Staðarafrétt
feykir.is Skagafjörður, Lokað efni 19.03.2025 kl. 12.00Farið var til eftirleita í Staðarafrétt sl. laugardag og náðust tuttugu og fimm kindur, sem voru víða af upprekstrarsvæðinu. Flestar voru kindurnar úr Hegranesi, eða níu talsins, sjö voru af Reykjaströnd, fimm úr Gönguskörðum, tvær af Langholti, eitt lamb frá Sauðárkrók og eitt úr Húnavatnssýslu.Meira -
Ferðin á Heimsenda frumsýnd á Blönduósi
feykir.is Austur-Húnavatnssýsla, Lokað efni 19.03.2025 kl. 11.50Leikfélagið á Blönduósi frumsýnir 3.apríl nk. barnaleikritið Ferðin á Heimsenda eftir Olgu Guðrúnu Árnadóttur rithöfund. Ferðin á heimsenda er barnaleikrit sem fjallar um ferðalagið á Heimsenda með verndargripinn geislaglóð sem þarf að fylla af sólarorku svo ekki fari illa fyrir álfaheiminum. Leikritið er fullt af ævintýralegum persónum, álfum, galdrakall, ömmu og hetjum. Verkið er sérstaklega skapað fyrir börn og til að börn geti notið þess að vera í leikhúsi og hentar allri fjölskyldunni. Feykir tók tal af Evu Guðbjartsdóttur formanni leikfélagsins á Blönduósi og spurði hana nokkrar spurningar um gang mála.Meira -
Rokkkórinn heimsækir þrjú sveitarfélög
feykir.is Skagafjörður, Vestur-Húnavatnssýsla, Lokað efni 19.03.2025 kl. 11.21Nú næstu daga stendur mikið til hjá Rokkkórnum þegar hann verður með þrenna tónleika í þremur mismunandi sveitarfélögum. Fyrst verða tónleikar í Lindakirkju í Kópavogi þann 22. mars. nk., því næst verða tónleikar í Miðgarði í Skagafirði 27. mars og að lokum í Félagsheimilinu Hvammstanga 29. mars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.