„Logi Bergmann“ og beikonvafðar bringur
Ingvar Guðmundsson og Jóhanna Sveinbjörg Traustadóttir á Hofsósi voru matgæðingar vikunnar í 16. tbl Feykis 2017. Þau buðu upp á grillaðar kjúklingabringur sem eru afar vinsælar á heimili þeirra og í eftirrétt var hin ómissandi Logi Bergmann súkkulaðikaka.
RÉTTUR 1
Sívinsælar grillaðar kjúklingabringur með beikoni fyrir 6 manns
6-7 kjúklingabringur
2 -3 pakkar beikon
Aðferð:
Kljúfið kjúklingabringurnar í tvær til þrjár lengjur. Vefjið beikoni um hverja lengju og setjið beint á grillið. Grillið kjúklingabringurnar á góðum hita þar til þær eru fulleldaðar.
Meðlæti:
2 sætar kartöflur og 2 stórar bökunarkartöflur skornar í litla bita og sett í eldfast mót. Ólífuolíu og grófu salti stráð yfir og bakað við 190°C í 30 mínútur.
Köld heimatilbúin hvítlaukssósa (nauðsynleg með kjúklingnum).
1 dós grísk jógúrt
2-3 hvítlauksrif, smátt skorin
örlítill pipar
2 dropar agavesíróp
Ferskt salat er ómissandi með öllum mat og er tilvalið að blanda saman káli að eigin vali, tómötum, agúrku, papriku, blaðlauk, fetaosti og furuhnetum.
RÉTTUR 2
Eftirréttur sem svíkur engan –Logi Bergmann „heit súkkulaðikaka“ fyrir 8-10 manns
„Uppskriftina að þessari súkkulaðiköku fundum við í uppskriftabók sem unnin er af starfsfólki leikskólans Álfasteins í Hafnarfirði. Heitið á kökunni varð til í saumaklúbbnum Fab-Five þegar hún og önnur gerð af súkkulaðiköku voru bornar saman en einhverra hluta vegna var kökunum þá líkt við heiðurshjónin Svanhildi og Loga sem allir þekkja af sjónvarpsskjánum. Hefur þessi uppskrift verið kölluð Logi Bergmann æ síðan. Við lofum ykkur því, að kakan klikkar ekki. Hér kemur hún:“
Botn:
2 dl sykur
200 g smjör
200 g suðusúkkulaði
1 dl hveiti
1 egg
Aðferð:
Þeytið eggin og sykurinn vel saman. Bræðið smjörið og súkkulaðið við vægan hita í potti. Blandið hveitinu saman við eggin og sykurinn og bætið brædda smjörinu og súkkulaðinu að lokum varlega út í deigið. Bakið í vel smurtu tertuformi (ekki lausbotna) við 170 gráður í 30 mínútur.
Súkkulaðibráð:
150 g suðusúkkulaði
70 g smjör
2 msk sýróp
Látið allt saman í pott og bræðið við vægan hita. Kælið og smyrið síðan á kökuna. Kakan á að vera blaut í miðjunni. Gott að bera fram með þeyttum rjóma eða ís.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.