Ljótir hálfvitar á Blönduósi
Fimmtudaginn 2. júlí kl. 21 þreytir þingeyska stórsveitin Ljótu hálfvitarnir frumraun sína á Norðurlandi Vestra, þegar þeir spila í Félagsheimilinu á Blönduósi.
Ljótu hálfvitana skipa níu þingeyskir vitleysingar úr ýmsum tónlistaráttum, á ólíkum aldri og sveigjanlegu holdafari. Útkoman er mikill hrærigrautur af tónlistarstefnum, þó þjóðlagablærinn sé sterkastur. Textagerð er mikið metnaðarmál í sveitinni, sem og það grundvallaratriði að skemmta gestum sínum með öllum tiltækum ráðum.
Hljómsveitin gaf nýlega út sína aðra plötu sem ber nafn hljómsveitarinnar og inniheldur lög og texta um helstu eilífðarmálin: konur, bjór, sjómennsku, æðri máttarvöld og samskipti við annað fólk.
Þetta stefnumót húnvetnskrar og þingeyskrar skemmtigleði er mikið tilhlökkunarefni í hljómsveitinni og vonandi líka á tónleikastað. Þetta verða einu tónleikar sveitarinnar í fjórðungnum þetta sumarið.
Miðaverð er 1.500 kr. og húsið verður opnað klukkustund fyrir tónleika.
Fleiri fréttir
-
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira -
Sóttu tuttugu og fimm kindur í Staðarafrétt
feykir.is Skagafjörður, Lokað efni 19.03.2025 kl. 12.00Farið var til eftirleita í Staðarafrétt sl. laugardag og náðust tuttugu og fimm kindur, sem voru víða af upprekstrarsvæðinu. Flestar voru kindurnar úr Hegranesi, eða níu talsins, sjö voru af Reykjaströnd, fimm úr Gönguskörðum, tvær af Langholti, eitt lamb frá Sauðárkrók og eitt úr Húnavatnssýslu.Meira -
Ferðin á Heimsenda frumsýnd á Blönduósi
feykir.is Austur-Húnavatnssýsla, Lokað efni 19.03.2025 kl. 11.50Leikfélagið á Blönduósi frumsýnir 3.apríl nk. barnaleikritið Ferðin á Heimsenda eftir Olgu Guðrúnu Árnadóttur rithöfund. Ferðin á heimsenda er barnaleikrit sem fjallar um ferðalagið á Heimsenda með verndargripinn geislaglóð sem þarf að fylla af sólarorku svo ekki fari illa fyrir álfaheiminum. Leikritið er fullt af ævintýralegum persónum, álfum, galdrakall, ömmu og hetjum. Verkið er sérstaklega skapað fyrir börn og til að börn geti notið þess að vera í leikhúsi og hentar allri fjölskyldunni. Feykir tók tal af Evu Guðbjartsdóttur formanni leikfélagsins á Blönduósi og spurði hana nokkrar spurningar um gang mála.Meira -
Rokkkórinn heimsækir þrjú sveitarfélög
feykir.is Skagafjörður, Vestur-Húnavatnssýsla, Lokað efni 19.03.2025 kl. 11.21Nú næstu daga stendur mikið til hjá Rokkkórnum þegar hann verður með þrenna tónleika í þremur mismunandi sveitarfélögum. Fyrst verða tónleikar í Lindakirkju í Kópavogi þann 22. mars. nk., því næst verða tónleikar í Miðgarði í Skagafirði 27. mars og að lokum í Félagsheimilinu Hvammstanga 29. mars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.