Litríkar heimsóknir á öskudegi
Það var létt yfir flestum þeirra sem ráku nefið inn á Nýprent í dag enda litríkt lið á ferð á höttunum eftir sælgæti til að stinga í poka í skiptum fyrir söng. Ekki finnst öllum börnum þetta vera jöfn skipti enda ekkert smá erfitt að syngja fyrir ókunnugt fólk verandi í gervi trúðs, beinagrindar, riddara eða rappara.
En það var engin með eitthvað væl eða vol og fóru velflestir heim úr höfuðstöðvum Feykis namminu ríkari. Það varð líka þeim sem hlýða þurftu á söng barnanna til happs þennan öskudaginn að lagaúrvalið var óvenju fjölbreytt. Ekki er langt síðan að leiðindaseggurinn hann Gamli Nói og beljurnar frá Bjarnastöðum einokuðu pleilista barnanna en nú lá við að Ingó karlinn skyti þeim ref fyrir rass.
Ekki var óalgengt að heyra Vinalistann sunginn og það jafnvel með frumsömdum textum, They Don't Care About Us með Michael Jackson dúkkaði upp ásamt lögum með Veðurguðunum, einn hópurinn söng Bjart er yfir Betlehem og svo mætti lengi telja.
Veðrið var með miklum ágætum á Króknum þannig að ekki hamlaði það gegn söfnuninni. Að sjálfsögðu voru teknar myndir af hópunum og er myndasyrpa á leiðinni á netið. Myndirnar sem fylgja fréttinni voru hins vegar teknar af Binna Júlla.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.