Líf og fjör í björgunarsveitarstarfinu
Björgunarsveitin Skagfirðingasveit lá sannarlega ekki í dvala yfir sumarið. Verkefnin voru mörg, tilgangur þeirra margvíslegur og samstarf við hina ýmsu aðila.
Í byrjun sumars sinntum við gæslu við höfnina og með siglingu Málmeyjar á sjómannadeginum. Við buðum bæjarbúum upp á kassaklifur, vorum til staðar fyrir þá sem voru í flekahlaupinu og þá var Slysavarnardeildin Drangey með gæslu við hoppukastalana inni í húsnæðinu og aðstoðaði við dorgveiðikeppnina.
Í lok júní lá leiðin upp í Landmannalaugar þar sem átta félagar dvöldu vikulangt og sinntum þeim verkefnum sem komu upp þar. Fyrsta hjálp, fastir bílar, skoða færð á vegum og svo mætti lengi telja.
Í byrjun júlí fóru svo tveir félagar austur á Borgarfjörð þar sem þeir aðstoðuðu heimamenn við gæslu og framkvæmd í Dyrfjallahlaupinu sem er fjáröflunarverkefni þeirra Sveinunga. Ferðina nýttu svo félagarnir og kíktu til nokkurra björgunarsveita á austurlandinu og stefnt á stærri ferð næsta sumar.
Um verslunarmannahelgina var Unglingalandsmót UMFÍ haldið á Sauðárkróki þar sem við sinntum gæslu á tjaldsvæðinu, flöggunum fyrir sveitarfélagið, þrifum á salernum tjaldsvæðisins og loks útbjuggum við og skutum upp glæsilegri flugeldasýningu.
Í lok ágúst fóru svo af stað reglulegar æfingar og námskeið sem eru alltaf hluti af vetrardagskránni. Það er skemmst frá því að segja að að meðaltali hafa tæplega tuttugu félagar mætt á æfingar og jafnframt eru um þrjátíu unglingar sem mæta vikulega í Unglingadeildina Trölla.
Framundan eru áframhaldandi æfingar og námskeið á dagskrá og svo má ekki gleyma Neyðarkallinum og jólaösinni okkar; skötuveislu, jólasveinaaðstoð og flugeldasölu.
Það er alltaf líf og fjör í björgunarsveitarstarfinu og er óhætt að segja að allir geti fundið sér eitthvað við hæfi í starfinu.
/Hjördís Einarsdóttir formaður
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.