Lið Snæfells lék Stólastúlkur grátt í Síkinu
Stólastúlkur fengu lið Snæfells frá Stykkishólmi í heimsókn í Síkið í kvöld í 1. deild kvenna í körfunni. Leikinn átti að spila í gær en honum var frestað um sólarhring sökum veðurs. Ekki virtist ferðalagið hafa farið illa í gestina sem tóku völdin snemma leiks og unnu öruggan sigur. Lið Snæfells var yfir í hálfleik, 19-32, og náðu síðan góðum endaspretti eftir að Stólastúlkur náðu að minnka muninn í átta stig þegar sjö mínútur voru eftir. Lokatölur 51-75.
Gestirnir mættu til leiks með níu leikmenn en Stólastúlkur voru ellefu á skrá. Aðeins sex leikmenn Snæfells fengu að spreyta sig og þar af voru þrjár erlendar stúlkur. Þær stúlkur sem komu inn á hjá gestunum komust allar á blað í stigaskori. Tíu stúlkur fengu mínútur í liði Tindastóls en aðeins fjórar þeirra gerðu stig og þar af ein tvö stig.
Chloe Wanink, sem gerði hátt tvo þriðju stiga Stólastúlkna í kvöld, kom liði Tindastóls yfir í blábyrjun en fljótlega snéru gestirnir dæminu við og leiddu með tíu stigum, 10-20, eftir rúmar sex mínútur. Staðan var 12-23 að loknum fyrsta leikhluta en í öðrum leikhluta gekk liðunum lítið að skora. Staðan 19-32 í hálfleik og eftir þriggja mínútna leik í síðari hálfleik var munurinn orðinn tuttugu stig, 21-41. Þá kom ágætur kafli heimastúlkna sem minnkuðu muninn í tíu stig, 33-43, og sá munur var enn að loknum þriðja leikhluta. Staðan 37-47. Chloe minnkaði enn muninn í upphafi fjórða leikhluta og munurinn var enn átta stig, 46-54, þegar þrjár mínútur voru liðnar eftir þrist frá Chloe. Þá komu sjö stig frá gestunum sem gengu síðan á lagið og völtuðu yfir heimastúlkur á lokakaflanum.
Niðurstaðan því vonbrigði því væntanlega hefur lið Tindastóls ætlað að verja heimavöllinn betur í kvöld. Þá er nokkuð ljóst að liðið verður að fá alvöru framlag frá fleiri leikmönnum. Chloe gerði 33 stig í leiknum og þar af aðeins eitt stig úr víti – eina víti Tindastóls í leiknum (nei, þetta var ekki fótboltaleikur)! Emese gerði tíu stig og tók 19 fráköst, Eva Rún gerði sex stig og Fanney tvö. Allir þrír erlendu leikmenn Snæfells skiluðu 40 mínútum og í heildina 54 stigum og 39 fráköstum. Þá var Rebekka Kalla Jóns með 16 stig.
Á fimmtudag halda stelpurnar suður og austur fyrir fjall og spila við sameinað lið Hamars/Þórs í Icelandic Glacial höllinni í Þorlákshöfn.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.