Lið Kormáks/Hvatar úr leik í Mjólkurbikarnum
Fótboltinn er löngu farinn í gang en nú á föstudaginn hófst alvaran því þá fóru fyrstu leikirnir í Mjólkurbikarnum fram. Lið Kormáks/Hvatar fékk Dalvík/Reyni í heimsókn á Sauðárkróksvöll upp úr hádegi í gær. Markalaust var í hálfleik en Eyfirðingarnir gerðu þrjú mörk í síðari hálfleik og Húnvetningar því úr leik í bikarnum.
Leikið var við ágætar aðstæður á gervigrasinu á Króknum og veðrið með skásta móti. Bjarni Óskarsson gerði fyrsta mark leiksins á 56. mínútu og Númi Kárason bætti marki tvö við á 78. mínútu. Hiti færðist í mannskapinn á lokamínútunum og fengu þá þrír leikmenn að skoða gula spjaldið í annað skiptið hjá dómara leiksins. Hlynur Rafn Rafnsson kom inn á hjá Kormáki/Hvöt á 68. mínútu en á 80. mínútu fékk hann gult og síðan aftur gult á 87. mínútu en við sama tækifæri fékk Kristján Óðinsson að líta annað gula spjaldið sitt og því áfram jafnt í liðum. Skömmu síðar gulltryggði Númi sigur gestanna og á 91. mínútu var það Hilmar Þór Kárason í liði Kormáks/Hvatar sem varð að yfirgefa völlinn eftir að hafa fengið að líta sitt annað gula.
Bæði liðin taka þátt í 3. deildinni í sumar en þar hefst keppni 6. maí.
Nú á skírdag tekur síðan 4. deildar lið Tindastóls á móti grönnum sínum í KF (Knattspyrnufélag Fjallabyggðar) sem hafa gert góð mót síðustu misserin og tefla fram liði í 2. deildinni í sumar. Það verður væntanlega spennandi fyrir lærisveina Donna að fá að spreyta sig gegn sterkum andstæðingi. Mjólkurbikar kvenna hefst síðustu helgina í apríl og þá kemur lið HK í heimsókn á Krókinn en bæði félögin tefla fram liði í Lengjudeildinni í sumar.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.