Lið Aþenu gerði Stólastúlkum grikk
Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.
Lið Tindastóls byrjaði sem fyrr segir leikinn með ágætum, leiddi 8-12 að loknum fimm mínútum og 14-17 tveimur mínútum síðar. Þá kom 11-0 kafli hjá liði Aþenu sem leiddi því 25-17 að loknum fyrsta leikhluta. Þær voru fljótlega búnar að ná um tíu stiga forystu í öðrum leikhluta og það bil náði lið Tindastóls aldrei að brúa.
Liðin höfðu mæst þrisvar áður í vetur og hafði lið Stólastúlkna unnið tvo leikjanna. Það var ekki að hjálpa gestunum í gær að þrír leikmenn komu meiddir til leiks eftir einvígið við Snæfell; Emese, Rannveig og Ify en sú bandaríska spilaði lítið í leiknum og skilaði aðeins tveimur stigum og munar nú heldur betur um minna. Staðan í hálfleik var 40-25 og í þriðja leikhluta gerði lið Tindastóls aðeins sex stig og köttur úti í mýri.
Áttu slakan dag eins og gerist stundum
Þrátt fyrir að stríða við meiðsli var Emese Vida öflug í leiknum, gerði 19 stig og hirti ellefu fráköst. Aðrir leikmenn gerðu minna en tíu stig; Andriana var með níu og Ingurnar komu næstar með fjögur stig hvor þannig að það hefur sennilega verið fátt um fjalir í Austurbergi í gær – gestirnir fundu þær í það minnsta ekki. Í liði heimastúlkna voru Sianni Martin og Jovenka Ljubetic öflugar með 17 og 16 stig.
Helgi þjálfari var ekki tilbúinn til að skella skuldinni eingöngu á meiðsli lykilmanna, þegar Feykir spurði hann hvort þau hafi sett strik í reikninginn. „Já, það var þannig en við vorum samt ekki nógu beittar og áttum ekki góðan dag. Vorum betra liðið til að byrja leikinn og hefðum, ef við hefðum sett niður layup, verið með meiri forystu í upphafi leiks og þannig byggt upp sjálfstraust. Svo var vörnin ekki nógu þétt og sóknin mistæk líka og það var erfið blanda.“ Helgi segir lið sitt hafa heilt yfir átt slakan dag eins og gerist stundum. „Við verðum mun betri á mánudaginn fyrir framan okkar fólk í Síkinu,“ sagði hann að lokum.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.