Leikskólinn Ársalir fær höfðinglega gjöf
Seinnipartinn í gær afhentu Kiwanisklúbbarnir Freyja og Drangey leikskólanum Ársölum á Sauðárkróki höfðinglega gjöf að andvirði kr. 850.000-.
Í leikskólanum eru fötluð og langveik börn sem þurfa að fara í sjúkraþjálfun að jafnaði einu sinni í viku. Til að koma til móts við foreldra þessara barna hefur leikskólinn Ársalir boðið foreldrum upp á að stuðningskennari fari með börnin í sjúkraþjálfun á skólatíma. Farið er gangandi með börnin í kerru frá leikskólanum og hingað til hefur verið notast við venjulegar barnakerrur sem ætlaðar eru fyrir börn 2ja til 4ra ára. Þessar kerrur hafa einnig verið notaðar fyrir börnin þegar farið er í vettvangsferðir um bæinn okkar á vegum leikskólans.
Kiwanisklúbbarnir í Skagafirði, Freyja og Drangey tóku sig saman og gáfu leikskólanum fullbúna kerru frá Stoð ehf, sem er rótgróið þjónustufyrirtæki á heilbrigðissviði. Kerran hentar börnum frá eins árs aldri til sex ára og dugir því alla leikskólagöngu barnsins. Kerran er töluvert stærri en venjulegar kerrur og er búin góðum öryggisbúnaði og auðvelt er að aðlaga sæti og fótskemil að ólíkri stærð barnanna. Kerran er mun þægilegri fyrir börnin og er mjög létt og þægileg í umgengni fyrir þann sem keyrir hana. Þessi kerra mun verða stórkostleg breyting fyrir börnin og starfsfólkið sem ganga vikulega í sjúkraþjálfun og eins þegar farið er í vettvangsferðir. Sólveig Ingólfsdóttir leikskólastjóri þakkar klúbbúnum kærlega fyrir höfðinglega gjöf fyrir hönd Ársala.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.