Matgæðingar vikunnar - Lambaskankar og Toblerone mús
Sara Katrín Stefánsdóttir og Hjörleifur Björnsson eru matgæðingar vikunnar að þessu sinni. Þau eru bæði Skagfirðingar í húð og hár en eru búsett í Kópavoginum ásamt börnunum sínum tveimur, þeim Hinriki og Guðrúnu Katrínu. Sara er geislafræðingur og vinnur á Geislameðferðardeild krabbameina á Landspítalanum og Hjörleifur er pípari og rekur sitt eigið fyrirtæki, Lagnaafl.
,,Þegar skorað var á okkur að koma með uppskriftir í Feyki þá vorum við ekki lengi að ákveða aðalréttinn því þessir lambaskankar eru nokkuð oft eldaðir hér á bæ enda mjög ljúffengir og slá iðulega í gegn. Toblerone músin er svo alltaf mjög klassískur eftirréttur sem klikkar seint, segir Sara."
AÐALRÉTTUR
Hægeldaðir lambaskankar
4 lambaskankar
gulrætur eftir smekk, u.þ.b. 6-7 stk
1 laukur
1 dós niðursoðnir tómatar, gott að hafa niðursoðna cherry tómata
3 msk. rósmarín
salt og pipar
1 ten. kjötkraftur
dass af rauðvíni
smá vatn
Aðferð: Steikið skankana upp úr olíu og saltið þá og piprið. Skerið laukinn og gulræturnar í passlega munnbita og skellið út í pottinn ásamt rósmarín og niðursoðnu tómötunum. Því næst fer kjötkrafturinn og rauðvínsdreitillinn út í og ef ykkur finnst vanta smá vökva upp á, þá er gott að setja smá af vatni. Nú er lokið sett á pottinn og þetta látið malla inni í ofni við 160° í ca. 3 klst. Fínt er að ausa aðeins yfir skankana svona tvisvar sinnum meðan á eldunartímanum stendur. Gott er að bera þetta fram með kúskús.
EFTIRRÉTTUR
Toblerone súkkulaðimús
500 g Toblerone
150 g smjör
4 egg
500 ml stífþeyttur rjómi
Aðferð: Grófsaxið Toblerone og bræðið það yfir vatnsbaði ásamt smjörinu. Þegar þetta er bráðið saman skal taka súkkulaðiblönduna af hitanum og bæta eggjunum út í einu í einu og hræra vel á milli. Þegar eggin eru komin saman við þá er rjómanum bætt varlega við blönduna í nokkrum skömmtum. Skemmti-legt er að skreyta músina með hindberjum og rífa smá af súkkulaði yfir.
Verði ykkur að góðu!
Sara og Hjölli skora á sr. Höllu Rut að vera næsti matgæðingur. Því þar er Halla svo sannarlega á heimavelli enda algjör meistarakokkur!.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.