Lambarifjur með pestói er réttur helgarinnar
Bylgja Agnarsdóttir á Sauðárkróki ætlar að gefa okkur uppskriftir vikunnar að þessu sinni. Forrétturinn kemur úr hafinu, aðalrétturinn af túninu og eftirrétturinn er syndsamlega góður.
Forréttur:
- 200 gr smjördeig
- 100 gr hrísgrjón
- 100 gr skötuselur eða humar
- 100 gr reyktur lax
- 2-3 msk ólífu olía
- 100 gr rækjur
- 1 msk karrí
- 1 dl rjómi
- salt og pipar
- 1 stk eggjarauða
Sjóðið hrísgrjónin og kælið. Steikið skötusel eða humar í stutta stund og setjið rækjur og hrísgrjón á pönnuna. Kryddið með karrí, salt og pipar, bætið rjóma við og takið af hitanum þegar rjóminn fer að krauma. Bætið reykta laxinum á pönnuna og látið standa í nokkrar mínútur. Skerið 15cm hring úr smjördegi, setjið blönduna á miðjuna og búið til hálfmána. Penslið með eggjarauðunni og bakið við 180°c í 20 mínútur. Borið fram með salati.
Aðalréttur: Lambarifjur með pestói f. 6
1500 gr lambafillet með rifjum
Pestó rasp:
- 100 gr bráðið smjör
- 4 tsk pestó grænt
- 1 dl brauðrasp ( bakarí)
Rósmarinsósa:
- 6 dl lambakjötssoð eða vatn og 3 teningar
- 1-2 greinar ferskt rósmarin
- Sósujafnari
Brúnið kjötið á öllum hliðum á pönnu setjið á ofngrind. Hrærið pestó og rasp saman við smjörið. Smyrjið á kjötið og bakið við 150°c í 15-20 mín og setjið á grill síðustu 2 mínúturnar.
Sósan
Látið suðuna koma upp á lambakjötssoðinu, kryddið með rósmarin og þykkið. Borðað með steiktu grænmeti.
Eftirréttur:
Litla syndin ljúfa:
- 140 gr smjör og viðbót til að smyrja formin
- 140 gr 70% súkkulaði
- 2 egg
- 3 eggjarauður
- 140 gr flórsykur
- 60 gr hveiti
Setjið smjör og súkkulaði í pott og bræðið. Þeytið egg og eggjarauður, bætið flórsykri við og þeytið vel. Hellið súkkulaðiblöndunni saman við og hrærið að lokum hveiti saman við. Setjið deigið í form, rúmlega 1 dl í hvert og bakið í 11-12 mínútur án blásturs. Bökunartíminn skiptir öllu (súkkulaði á að leka úr kökunni þegar hún er borðuð ). Borðað heitt með ís.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.