Lágkolvetna fiskisúpa og súkkulaðikaka án sykurs og hveiti
Það er Edda Hlíf Hlífarsdóttir sem var matgæðingur í tbl. 8 á þessu ári en hún fékk áskorun frá systur sinni Þyrey Hlífarsdóttur að taka við þættinum á eftir sér. Edda er fædd og uppalin í Víðiholti í Skagafirði og starfar sem prestur í Húnavatnsprestakalli. Edda er búsett á Blönduósi og er unnusti hennar, Þráinn Víkingur Ragnarsson verkfræðingur, búsettur í Austur-Landeyjum, þar sem þau reka hrossaræktarbú.
RÉTTUR 1
Lágkolvetna fiskisúpa með kókos og karrý
1 rauð paprika
1 gul paprika
vorlaukur – magn eftir smekk, ég nota u.þ.b. 3 stilka
1 blómkálshaus
2 litlar dósir af tómatpúrru
9 dl af vatni
3 súputeningar, (ég set yfirleitt
2 fiski og 1 grænmetis eða kjúklinga)
1 dós kókosmjólk
1 dós af rækjusmurosti
500 ml matreiðslurjómi
karrýkrydd
salt og pipar
cumin
fiskikrydd
sítrónupipar
þorskur
rækjur
Aðferð: Paprikan, vorlaukurinn og blómhálshausinn brytjað niður smátt og smjörsteikt í stórum potti. Tómatpúrrunni hrært saman við grænmetið og vatni hellt yfir. Suðan látin koma upp og lækkað og látið malla. Því næst er kókosmjólk, rækjusmurosti og matreiðslurjómanum blandað út í og látið malla við lágan hita þar til osturinn er bráðnaður. Krydda með karrýi, salti og pipar, cumin, fiskikryddi, sítrónupipar og bara því kryddi sem ykkur finnst gott - smakka til þar til þetta er gourme! Út í mína súpu set ég yfirleitt alltaf þorsk (skorinn í passlega munnbita) og rækjur. Má nota hvaða sjávarfang sem er. - Sett útí í restina og látið malla í svona tíu mínútur.
RÉTTUR 2
Besta sykur og hveitilausa súkkulaðikakan
100 g smjör
100 g sykurlaust dökkt súkkulaði
2 egg
1 dl sukrin melis
1 msk. kakó
½ tsk. vanilladuft (má nota vanilludropa í hallæri)
125 g mascarpone ostur
Aðferð: Hitið ofninn í 175°C. Bræðið saman smjör og súkkulaði – látið kólna aðeins. Skiljið sundur eggin. Þeytið eggjarauður og sukrin vel saman þangað til létt og loftkennt. Bætið mascarpone ostinum út í súkkulaðiblönduna. Blandið þessum tveimur blöndum saman ásamt kakói og vanilludufti. Stífþeytið eggjahvíturnar og blandið varlega saman við í lokin. Hellið í form og bakið í 18-20 mínútur. Ég set þessa alltaf í eldfast mót (miðlungs stærð) en það má líka alveg baka hana í vel smurðu kringlóttu formi (20-24 cm í þvermál). Sukrin melis dustað yfir með sigti þegar kakan er komin úr ofninum – til skrauts. Borin fram með þeyttum rjóma og jarðarberjum.
Verði ykkur að góðu!
Edda skorar á Bríeti Guðmundsdóttur og Ísak Óla Traustason að taka við keflinu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.