Kjúklingasalat, piparsósa og túnfisksalat án samviskubits
„Vinsælustu réttirnir á okkar heimili eru mjög einfaldir og ódýrir, það er sennilega það besta við þá. Fyrsta uppskriftin er piparsósa, sem er alltaf gott að eiga til staðar. Þetta er sennilega uppáhaldssósan okkar heima vegna þess hve auðvelt er að búa hana til og hversu góð hún er.
Svo ætlum við að gefa ykkur uppskrift af mjög hollu túnfisksalati sem er búið að sigra heimilið, öllum finnst þetta gott og það er virkilega einfalt að búa til. Okkur finnst best að bera túnfisksalatið fram með hrökkexi eða bara venjulegu Ritz kexi. Þetta salat er líka mjög fínt í túnfisksamloku.
Og ef við ættum að velja uppáhalds aðalrétt þá væri það sennilega heitt kjúklingasalat sem Margrét eldar af og til, nokkurn veginn spariréttur því hann er svo góður. Við eigum tvö börn og þau eru mjög hrifin af þessum rétti og það sem mér finnst best er að þau eru að borða mjög hollan mat," sögðu Ingvar Óli Ólafsson og Margrét Eik Guðjónsdóttir á Hvammstanga sem voru matgæðingar vikunnar í 8. tbl. Feykis 2017.
Piparsósa
- hálfur laukur, saxaður í litla bita
- 2 sneiðar beikon, sneitt í bita
- 2 dl rauðvín
- 1 grein af blóðbergi
- 1 grein af rósmarin
- 1 tsk svört piparkorn, brotin niður (eða grófmalaður pipar)
- 500 ml vatn (eftir smekk og styrkleika)
- 1 tsk kjúklingakraftur
- 1 tsk nautakraftur
- ½ tsk sjávarsalt
- sósulitur og sósuþykkni eftir smekk
Aðferð:
Laukur, piparkorn og beikon steikt upp úr olíu í heitum potti í sirka 2 mínútur og þá er rauðvíni bætt við, gott er að taka pottinn af hita í smá stund til þess að forðast mikla gufu af rauðvíninu. Næst er blóðbergi og rósmarin bætt við, látið malla í sirka 3-5 mínútur í viðbót eða þar til rauðvínið rétt þekur botninn á pottinum. Þá er vatninu bætt við, svo kjúklinga- og nautakrafti, sjávarsalti og sósulit. Gott er að sigta sósuna á þessum tímapunkti í annan pott, sjóðið svo í um 5 mín, bætið svo sósuþykkni við og takið pottinn af hita. Sósan er þá tilbúin.
Satey kjúklingasalat
- 2 kúklingabringur, stórar
- ½ pakki kúskús með sólþurrkuðum tómötum
- 1 dós Satey sósa (Blue dragon)
- 250 g ferskt spínat
- 1 avokado, skorið í bita
- 200 g kirsuberjatómatar, skornir í bita
- 100 g salthnetur
- ½ - 1 krukka fetaostur í kryddolíu
- Sjávarsalt og grófmalaður pipar
Aðferð:
Kúskús er eldað samkvæmt leiðbeiningum á pakka. Skerið kjúklingabringurnar í bita og steikið á pönnu með sjávarsalti og pipar. Hellið síðan Satay sósunni saman við og látið malla í smá stund. Setjið spínat í botninn á eldföstu móti og smyrjið síðan kúskúsi yfir spínatið. Hellið þá kjúklingnum og sósunni yfir kúskúsið og dreifið avokadoinu, tómötunum, hnetunum og fetaostinum yfir. Réttinn er hægt að bera fram hvort heldur sem er heitan eða kaldan.
Túnfisksalat
- 1 ds. túnfiskur í vatni
- ½ ds. sýrður rjómi
- ½ ds. kotasæla
- ½ paprika
- ½ avokado
- ½ rauðlaukur
- 1 tsk sjávarsalt
- 1 tsk laukduft
- grófmalaður pipar á hnífsoddi
Aðferð:
Byrjið á því að skera allt grænmeti í litla bita. Blandið sýrðum rjóma og kotasælu saman í skál. Hellið vatninu af túnfisknum og bætið honum út í. Bætið öllu grænmeti við og hrærið saman. Kryddið og borðið með hrökkbrauði eða kexi án nokkurs samviskubits. Einnig er gott að nýta salatið í samlokur.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.