Kjósum og segjum nei
Þjóðaratkvæðagreiðslan á laugardag er afar mikilvæg. Þar gefst okkur kostur á að segja álit okkar á samningi sem kallar yfir okkur ólýsanlegar efnahagsbyrðar. Þessi atkvæðagreiðsla er einnig eitt mikilvægasta vopnið okkar í erfiðum samningum við Hollendinga og Breta sem hafa ekki skirrst við að beita okkur ofbeldi og ofríki. Þess vegna er svo óskaplega brýnt að við tökum öll þátt og fellum þennan samning sem er fullkomlega ásstæðulaust að við samþykkjum.
Mikil andstaða þjóðarinnar og gríðarlega hörð barátta stjórnarandstæðinga og stöku stjórnarliða skapaði þá vígstöðu sem leiddi til þess að forseti Íslands taldi sér ekki annað fært en að synja Icesavelögunum staðfestingar. Þá var því haldið fram að ákvörðun hans skaðaði stöðu Íslands og bakaði okkur mikið tjón.
Nú er öllum ljóst að svo er ekki. Heldur hið gagnstæða. Meira að segja ráðherrarnir sjálfir, foræstisráðherra og fjármálaráðherra, tala nú um að árangurinn í samningaviðræðum við Breta og Hollendinga hafi náðst vegna þess að þjóðaratkvæðagreiðslan hafi skapað okkur betri samningsstöðu. Sem er alveg rétt. Þjóðaratkvæðagreiðslan er vopnið okkar.
Nú veltur það á okkur að láta það bíta sem best. Þeim mun meiri þátttaka og því sterkari sem andstaðan er, þeim mun öflugra vopn fáum við íslendingar í hendur til þess að berjasst með í þágu hagsmuna okkar.
Þess vegna skulum við nú öll sem eitt, þvert á flokkspólitísk bönd, sameinast í þágu þjóðarhags, skunda á kjörstað, nýta okkur lýðræðislegan rétt okkar og kjósa. Kjósa gegn nauðunginni sem Icesavesamningurinn er. Kjósa gegn samningnum til þess að styrkja vígstöðu okkar gegn þeim ríkjum nú fara gegn okkur með ofríki.
Kjósum á laugardaginn og segjum nei.
Einar Kristinn Guðfinnsson, alþingismaður
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.