Kartoffelpuffer og Käsekuchen
Það er ekki komið að tómum kofanum hvað matargerð snertir hjá matgæðingnum Gudrunu Kloes á Laugarbakka en hún var matgæðingur vikunnar í 28. tbl. Feykis árið 2018. „Sem stendur vinn ég að bók um íslenska matargerð, kokka, frumkvöðla á sviði matargerðar o.fl. fyrir þýska forlagið Christian, sjá www.christian-verlag. Bókin verður á þýsku og mun koma út í haust. Einnig gef ég út og dreifi bók dóttur minnar, Maike Hanneck, um matargerð á Íslandi, ISLANDKOCHBUCH. Bókin hefur verið á markaði síðan 2004 og er einnig til á frönsku, CUISINER ISLANDAIS, síðan 2006," sagði Guðrún þá.
„Ég hef verið búsett á Íslandi í meira en 30 ár, kannski að verða 40 ár, ég man það ekki alveg! Hér hef ég unnið við ýmis störf, m.a. sem þýðandi og atvinnuráðgjafi. Mér liður mjög vel hér, en ég er ennþá mikill Þjóðverji í mér og held sérstaklega upp á heimasvæðið mitt Rheinhessen, en þaðan eru uppskriftirnar hér fyrir neðan,“ sagði Gudrun.
„Fyrstu uppskriftina notaði ég við kennslu þegar ég kenndi nemendum í Grunnskóla Húnaþings vestra þýsku. Hún er um kartöfluklatta, KARTOFFELPUFFER. Liður í kennslunni var þýsk matargerð og fór kennslan fram í heimilisfræðistofu. Krakkarnir tóku virkan þátt í undirbúningi en voru í fyrstu svolítið uggandi á meðan þau voru að rífa niður kartöflur og lauk. Þetta var jú eitthvað nýtt. En svo borðuðu þau allt upp til agna með bestu lyst.
Hin uppskriftin er eftir mömmu mina, hún er af bakaðri ostaköku, KÄSEKUCHEN. Mamma hefði aldrei kallað amerísku ostakökuna, þessa með muldum kexbotni og ostakremi ofan á, „köku" því hún er ekki bökuð. Og ég er sammála henni, ameríska ostakakan er sætur réttur og ágæt sem slík en hún er ekki kaka.
RÉTTUR 1
Kartoffelpuffer
2 stórar kartöflur á mann, skrældar - þó ekki bökunarkartöflur
1 stór laukur
2 egg
salt og pipar
majóran
hveiti eftir þörfum
smjörlíki til steikingar
Aðferð:
Rífið niður kartöflur og laukinn. Í skólanum gerðum við þetta með rifjárni. Bætið eggjum út í, kryddið og hrærið. Svo er hveiti bætt við, ein matskeið fyrir hverja kartöflu. Hrærið aftur.
Steikið klattana báðum megin á heitri pönnu í smörlíki. Ekki nota olíu, annars verður þetta bara gums.
Með þessu er borðuð eplamús (sem heitir applesauce á ensku og er til í krukkum í búðum.) Lagt er til að keypt sé lífræn eplamús, hún er einfaldlegra betri.
RÉTTUR 2
Käsekuchen
Hitið ofnin í 180°C.
Botn:
65 g smjörlíki
1 egg
65 g sykur
1 matskeið mjólk
1 teskeið lyftiduft
150 g hveiti eða aðeins meira.
Aðferð:
Búið til deig. Smyrjið lausbotna en hátt kökuform og klæðið það með deiginu.
Ostafylling:
1 kg Quark, hér notum við óhrært skyr
5 egg
2 bréf vanillubúðingur (Dr Oetker eða sambærilegt)
375 g sykur
2½ dl mjólk
250 g smjörlíki
Aðferð:
Hrærið saman sykrinum, smjörlíkinu og eggjunum. Þá er skyrinu bætt við, svo búðingsduftinu og loks mjólk. Þetta er eiginlega mjög þunnt en fer ofan á botnin. Bakið í um klukkustund.
Nú er bökunarpappír tekinn fram, gerð smá göt á hann og lagður ofan á kökuna. Svo á að leggja kökugrind ofan á þetta allt saman, hvolfa og láta kólna alveg.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.