Júdóhelgi í Skagafirði
Helgina 11. til 13. ágúst síðastliðinn tók Júdódeild Tindastóls á móti gestum frá Linköping og Stokkhólmi í Svíþjóð, Júdódeild Ármanns í Reykjavík og júdófélögum á Norðurlandi. Um var að ræða framhald af heimsókn Júdódeildar Ármanns og Júdódeildar Tindastóls til júdófélagsins Linköping Judo í Svíþjóð frá því í fyrrasumar. Að þessu sinni voru það Svíarnir sem komu til Íslands og auk júdófólks frá Linköping bættust við iðkendur úr júdófélaginu IK Södra Judo frá Stokkhólmi. Samtals tuttugu krakkar og fjórtán fullorðnir.
Svíarnir komu flestir til landsins á fimmtudaginn og fyrsti dagskrárliðurinn var júdóæfing hjá Ármanni í Reykjavík um kvöldið. Morguninn eftir lagði hersingin af stað til Varmahlíðar og stoppaði á leiðinni á Húsafelli í Borgarfirði.
Við komuna til Varmahlíðar var boðið upp á hressingu í mötuneyti grunnskólans en tvær skólastofur skólans voru einnig notaðar sem svefnstaður fyrir þá gesti sem ekki kusu uppábúin hótelherbergi. Einnig dvöldu ellefu gestir inni á heimilum iðkenda Júdódeildar Tindastóls þessa helgi.
Fyrsta júdóæfing helgarinnar hófst klukkan 18 í íþróttahúsinu í Varmahlíð en þar hafði verið útbúinn júdóvöllur með júdódýnum Júdódeildar Tindastóls auk lánsdýna frá Pardusi á Blönduósi. Eftir æfinguna var boðið upp á grillað skagfirskt lambakjöt, sem fór vel ofan í mannskapinn.
Eftir morgunæfingu á laugardaginn var boðið upp á hádegisverð í grunnskólanum og síðan haldið til Reykja á Reykjaströnd. Þar stóð til boða að fara í gönguferð upp í Reykjadalinn eða út í Drangey. Flestir nýttu sér tækifærið og skelltu sér út í Drangey sem var mikil upplifun fyrir Svíana. Eftir dýfu í Grettislaug og magafylli af grilluðum pylsum var svo gefinn frjáls tími.
Á sunnudaginn var fyrst æfing yngri iðkenda frá klukkan 10 til 11 og eftir það æfði eldri hópurinn til 12:30 á meðan þau yngri skemmtu sér í sundi. Að lokum var öllum boðið upp á hádegismat áður en hópurinn tvístraðist. Svíarnir og Ármenningarnir héldu til Reykjavíkur þar sem lokadagskrárliðurinn var æfing á mánudagskvöldið hjá Ármanni en fyrir Norðlendingana var dagskráin tæmd.
Eflaust hafa flestir lært sitthvað í júdóíþróttinni þessa helgina og skemmt sér vel bæði innan vallar sem utan. Þar skemmir ekki fyrir sú frábæra aðstaða sem var í boði í Varmahlíð og einstaklega gott veður sem lék um fjörðinn þar sem náttúran skartaði sínu fegursta.
Stjórn Júdódeildar Tindastóls vill að lokum koma þakklæti á framfæri til allra þeirra fjölmörgu sjálfboðaliða sem lögðu hönd á plóg og gerðu þetta allt saman mögulegt.
Sjá fleiri myndir á heimasíðu Júdídeildar Tindastóls HÉR
/ Einar Örn Hreinsson
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.