Jafntefli í skítaveðri í Njarðvík
Tindastólsmenn sóttu Njarðvíkinga heim í gærkvöld þegar 15. umferð 2. deildar hófst. Leiknum lauk með markalausu jafntefli í sannkölluðu skítaveðri.
Það var mikið í húfi fyrir Tindastólsmenn að fá eitthvað út úr þessum leik sem var mikilvægur í botnbaráttunni en Tindastólsliðið er í næst neðsta sæti deildarinnar.
Byrjunarlið Tindastóls í leiknum: Gísli Sveins, Alli, Bjarki, Stefán Arnar, Pálmi, Árni Einar, Árni Arnars, Donni, Konni, Ingvi Hrannar og Davíð Rúnars.
Njarðvík byrjaði hraustlega og áttu sláarskot eftir nokkrar mínútur. Fyrsta góða færi okkar kemur um miðjan hálfleikinn. Fannar Örn sem kom inná fyrir Konna kemur boltanum fyrir en þar er Ingvi Hrannar einn á fjærstöng en markmaðurinn átti ótrúlega markvöslu, sjálfsagt sína bestu á ferlinum.
Leikurinn einkenndist af mikilli baráttu í loftinu enda leikmenn stórir og stæðilegir í báðum liðum. Það má segja að fyrri hálfleikurinn hafi verið í jafnvægi en Tindastóll lék á móti sterkum vindi.
Í seinni hálfleik átti Tindastóll nokkur góð færi td. Ingvi Hrannar, Davíð og Árni Einar en inn vildi boltinn ekki. Atli Arnarson kom inná og átti fína innkomu ásamt Guðna sem einnig kom við sögu í leiknum.
Tindastóll var betri aðilinn á síðustu 20 mínútunum og kom Davíð Rúnars klárlega inn í liðið með nýjan vinkil. Barátta liðsins var ljómandi góð í leiknum og nú er bara að gefa í.
Það verður spennandi að sjá strákana á þriðjudaginn þegar Höttur kemur í heimsókn á Krókinn.
Magnamenn sem næstir eru okkur í deildinni töpuðu sínum leik í gærkvöld og má því þakka nágrönnum okkar í KS/Leiftri það. Þá eiga Víðismenn leik til góða en þeir eru líkt og Magni með 16 stig í þriðja til fjórða neðsta sæti á meðan Tindastóll eru aðrir neðstir með 14 stig. Leikurinn við Hött er því gríðarlega mikilvægur.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.