Jafnt hjá Hvöt og BÍ/Bolungarvík á laugardag
Hvatarmenn tóku á móti BÍ/Bolungarvík á laugardag í 3ju umferð 2. deildar karla. Leikurinn fór fram í blíðskaparveðri og voru því kjör aðstæður til knattspyrnuiðkunar.
Þrátt fyrir að Hvatarmenn hefðu verið mun meira með boltann og fengið fleiri færi en gestirnir tókst hvorugu liðinu að skora í leiknum og lauk honum því 0-0.
Gestirnir byrjuðu með boltann en Hvatarmenn réðu miðjuspilinu en tókst ekki vel upp við markið. Fyrsta færi leiksins kom á 13. mínútu en þá komst Jón Kári upp að endamörkum hægra megin og sendi fyrir þar sem Mirnes Smajlovic átti slakt skot framhjá. Fjórum mínútum síðar komst Óskar Snær Vignisson inn í vítateig gestanna en skot hans rataði beint á markvörð gestanna.
Hvatarmenn skoruðu síðan mark á 20. mínútu leiksins er Jens þjálfari Sævarsson tók aukaspyrnu og sendi fyrir á kollinn á Mirnes sem skallaði í netið en var réttilega dæmdur rangstæður. Hvatarmenn áttu 2-3 hálffæri það sem eftir leið fyrri hálfleiknum en gestirnir fengu sitt fyrsta færi á 38. mínútu er þeir prjónuðu sig í gegnum vörn heimamanna en Ari Kristinsson varði vel með úthlaupi.
Í síðari hálfleik héldu heimamenn áfram að sækja án þess að hafa erindi sem erfiði og var ljóst að gestirnir voru komnir á Blönduós til að verjast og sækja eitt stig. Heimamenn komust næst því að komast yfir er Óskar Snær komst einn í gegnum vörn Bí/Bolungarvíkur en skot hans var laust og fór framhjá markinu.
Leikurinn endaði eins og fyrr segir 0-0 og heimamenn hljóta að vera verulega svekktir að hafa tapað 2 stigum í baráttunni í deildinni en að sama skapi hljóta gestirnir að vera sáttir með úrslitin.
/hvotfc.is
Fleiri fréttir
-
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira -
Sögur og sagnir af Skaga og upp til heiða og dala
feykir.is Austur-Húnavatnssýsla, Listir og menning, Lokað efni 02.04.2025 kl. 14.36Skagabyggð fékk á árinu 2024 styrk úr Uppbyggingarsjóði Norðurlands vestra til að safna og taka upp á stafrænt form ýmsar sagnir og fróðleik sem nota mætti í sögutengda ferðaþjónustu. Starfshópur á vegum Skagabyggðar og síðan Húnabyggðar eftir sameiningu, tók upp töluvert efni í viðtölum við fólk sem hafði sögu að segja og fróðleik að miðla.Meira -
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.