Hvatarmenn lögðu Hamarsmenn 2-0 á laugardag
Hvatarmenn tóku á móti Hamarsmönnum á laugardag og sigruðu þá með tveimur mörkum gegn engu. Hvöt hafði nokkra yfirburði í fyrri hálfleik en leikurinn jafnaðist nokkuð í þeim síðari án þess þó að Hamarsmenn gerðu sig líklegan til að koma inn marki.
Hvatarmenn hófu leikinn og geystust í sókn og fengu gott færi á fyrstu mínútu leiksins en skot Mirnes Smajlovic fór yfir markið. Strax í næstu sókn fengu Hamarsmenn ákjósanlegt færi eftir mistök í vörn Hvatar en Milan Markovic náði að hreinsa en nokkur heppnisstimpill var yfir færi þessu. Bjarni Pálmason fékk síðan virkilega fínt færi á fjórðu mínútu en náði því miður ekki góðu skoti og boltinn fór yfir markið. Bjarni átti eftir að bæta fyrir það tveimur mínútum síðar er Hvatarmenn fengu aukaspyrnu á miðjum vellinum. Sending Óskars Snæs rataði á Milan sem átti gott skot á mark Hamars, en markmaðurinn varði vel. Boltinn barst síðan til Bjarna sem skoraði fyrsta mark Hvatar með góðu skoti.
Á níundu mínútu fengu Hvatarmenn hornspyrnu eftir að Björn markvörður Hamars varði vel skot Mirnes en upp úr hornspyrnunni skoraði Jens Elvar Sævarsson mark fyrir Hvöt og þeir í góðum málum í upphafi leiks.
Þarna hefði maður getað haldið að Hvatarmenn létu Hamarsmenn finna fyrir því en næstu 20 mínútur fóru í miðjuþóf en það var ekki fyrr en á 34. mínútu að Bjarni komst inn í lélega sendingu markvarðar Hamars og var hann skyndilega kominn í gegn ásamt Mirnes og Jóni Kára Eldon. Bjarni ákvað að skjóta á markið í stað þess að gefa á annað hvort Mirnes eða Jón og markmaðurinn varði skot hans.
Staðan var 2-0 í hálfleik en síðari hálfleikur einkenndist af stöðubaráttu á miðjunni og kvartfærum á báða bóga þó svo að heimamenn væru með nokkra yfirburði á vellinum án þess að skapa sér afgerandi færi. Þó fengu heimamenn dauðafæri á annarri mínútu uppbótartíma er Jón Kári og Benjamín Gunnlaugarson prjónuðu sig í gegnum vörn gestanna en Benjamín skrúfaði boltann framhjá fjærstönginni en þar hefði hann getað klárað leikinn endanlega fyrir heimamenn.
Nú eru Hvatarmenn komnir með 7 stig og eru í 4. sæti deildarinnar en Hamarsmenn eru með 4 stig í 6. sæti. Næsti leikur Hvatarmanna er útileikur gegn Hetti en Hamarmenn eiga heimaleik gegn BÍ/Bolungarvík.
/hvötfc.is
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.