Hugmyndafundir vegna uppbyggingar í gamla bænum á Blönduósi
Í byrjun september var undirrituð viljayfirlýsing um uppbyggingu í gamla bænum á Blönduósi. Að því tilefni verða haldnir tveir opnir hugmyndafundir dagana 22. og 23. nóvember þar sem safnað verður saman hugmyndum fólks um uppbyggingu gamla bæjarhluta Blönduóss. Fyrri fundurinn verður í Félagsheimilinu á Blönduósi kl. 19 en sá síðari fer fram í Reykjavík.
Í frétt á vef Blönduóss er sagt frá því að einkaaðilar hafi á undanförnum árum verið að byggja upp þjónustustarfsemi í gamla bænum og nú hafa sterkir fjárfestar bæst í hópinn og sveitarfélagið ákveðið að fylgja þessari þróun fast eftir og klára deiliskipulag svæðisins.
„Áður en það er gert vill sveitarfélagið safna saman hugmyndum þeirra sem áhuga hafa á því að leggja þessari vinnu lið og hafa þannig úr sem flestum hugmyndum að moða þegar deiliskipulagið er mótað í endanlegt form. Á hugmyndafundinum mun sveitarfélagið kynna megin drög þeirrar hugsunar sem það hefur sett í þessari vinnu en eins og flestum er kunnugt um hefur vinnan fram að þessu tekið útgangspunkt í skýrslu sem gerð varð um gamla bæinn og Klifamýri þar sem áhersla var lögð á verndarsvæði í byggð,“ segir í fréttinni.
Á fundinum mun InfoCapital einnig kynna sín áform um uppbyggingu en fyrirtækið hefur þegar keypt hótelið, Aðalgötu 9 (þar sem brauðgerð Krútt var til húsa), tvær hæðir í Helgafelli og Pétursborg.
Fundurinn 22. nóvember verður haldinn í Félagsheimilinu á Blönduósi klukkan 19:00 en fundurinn 23. nóvember verður haldinn í Mengi, Óðinsgötu 2 Reykjavík, klukkan 19:00. Áhugasamir geta séð húsakönnun svæðisins sem gerð var af Guðrúnu Jónsdóttur arkitekt og fyrirtæki hennar TKJ árið 2015 hér >
FSK Greinarger360 2015.dgn
minjastofnun.is.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.