Hittast yfir kaffibolla og ræða um heima og geima
Brottfluttir Skagfirðingar hafa haldið úti kaffiklúbbi sunnan heiða í ein fimmtán ár og kalla hann því virðulega nafni Skín við sólu Skagafjörður. Hittast þeir í hverri viku yfir vetrarmánuðina milli klukkan 10 og 12.
Sigfús Jónsson einn af driffjöðrum klúbbsins sagði í samtali við blaðamann að enginn sérstakur formaður væri í klúbbnum en hann og Lóli (Sigurður Antonsson) væru að reyna að halda þessu saman. –Við komum saman á nokkrum stöðum hér fyrir sunnan, þá aðallega í Reykjavík, Hafnarfirði og í Keflavík en þar búa margir Skagfirðingar, segir Sigfús og bætir við að spjallað sé um heima og geima yfir kaffibollum. –Það er alltaf að aukast að yngra fólkið komi og hitti okkur, sem betur fer og það eru allir velkomnir. Við óskum öllum Skagfirðingum gleðilegs nýs árs, vonum að sjá ykkur sem flest á nýju ári mæta í klúbbinn, segir Sigfús og segist endilega vilja koma dagskránni á framfæri við lesendur sem við gerum með ánægju og látum fljóta með vísu Kristjáns Runólfssonar sem birt er í dreifibréfi klúbbsins.
Blaðið tjáir stund og stað
stefnt er á kæti og gaman.
Bætir ávallt blóðið að
blanda geði saman
Dagskrá 2010
2. jan Kaffi Tár, Reykjanesbær
9. jan Café Aroma Hafnarfirði
16. jan Perlan Reykjavík
23. jan Hótel Saga Reykjavík
30. jan Kaffi Tár, Reykjanesbær
6. feb Café Aroma Hafnarfirði
13. feb Perlan Reykjavík
20. feb Hótel Saga Reykjavík
27. feb Kaffi Tár, Reykjanesbær
6. mars Café Aroma Hafnarfirði
13. mars Perlan Reykjavík
20. mars Hótel Saga Reykjavík
27. mars Kaffi Tár, Reykjanesbær
10. apríl Café Aroma Hafnarfirði
17. apríl Iðavellir Hveragerði
24. apríl Flös Garði
2. maí Ljósheimar Skagafirði
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.