Hin (svolítið) skagfirska Halla Tómasdóttir kjörin forseti
Feykir greindi frá því aðfaranótt sunnudags að allt benti til þess að Halla Tómasdóttir stefndi hraðbyri á Bessastaði og myndi sigra forsetakosningarnar líkt og fyrstu tölur úr öllum kjördæmum bentu til. Svo fór að sjálfsögðu eins og ætti ekki að hafa farið framhjá nokkrum manni.
Halla var kjörin forseti Íslands með 34,3 prósent atkvæða í kosningunum þann 1. júní sl., eða ríflega níu prósentum meira en Katrín Jakobsdóttir sem fékk 25,2% atkvæða og hafnaði í öðru sæti. Kjörsókn var 78,83%, meiri en í nokkrum forsetakosningum síðan Ólafur Rangar Grímsson var kjörinn forseti í fyrsta sinn. Það voru 210.419 manns sem greiddu atkvæði.
Halla Tómasdóttir verður sjöundi forseti Íslands. Alls voru tólf frambjóðendur í kjöri svo úr nægu var að velja.
Skagfirðingar pínu grobbnir
Halla, sem er fædd 11. október 1968, er dóttir Kristjönu Sigurðardóttur þroskaþjálfa og Tómasar Þórhallssonar pípulagningameistara sem lést eftir stutta baráttu við krabbamein árið 2008. Halla er alin upp í Kársnesi í Kópavogi en bent var á það í kosningabaráttunni að hún á djúpar rætur í Skagafirði og vestur á Ströndum og var í sveit í Skagafirði. „Tómas Björn Þórhallsson faðir hennar var fæddur á Hofi í Hjaltadal. Hann missti móður sína þriggja ára gamall og pabba sinn ungur og var sendur átta ára gamall í vist á Kolkuósi og ólst þar upp til 15 ára aldurs,“ skrifaði Magnús Óskarsson frá Brekku í aðsendri stuðningsgrein í Feyki.
Halla á tvær systur og er gift Birni Skúlasyni og þau eiga börnin Tómas Bjart, 22 ára og Auði Ínu sem er tvítug. Þau stunda bæði háskólanám í Bandaríkjunum líkt og móðir þeirra gerði. Halla ólst upp á Kársnesi í Kópavogi og á ættir að rekja til Skagafjarðar og Stranda.
Mun leiða hópa og kynslóðir saman
Feykir spurði Höllu fyrir kosningar hvers vegna fólk ætti að veita henni atkvæði sitt og svaraði hún: „Ég mun leiða hópa og kynslóðir saman til samtals og samstarfs í þágu þjóðar. Ég hef menntunina, reynsluna og tengslanetið til að geta lagst á árar svo um munar. ... Mér þykir einlæglega vænt um land og þjóð og vil leggja mig alla fram um að styðja hagsmuni Íslands og Íslendinga á öllum sviðum okkar samfélags. Ég trúi því að með virkjun sköpunargáfu okkar getum við áfram verið mikilvæg fyrirmynd og þannig haft jákvæð áhrif á heiminn.“
Feykir óskar Höllu til hamingju með árangurinn og forsetaembættið en hún tekur við stjórnartaumum á Bessastöðum 1. ágúst næstkomandi.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.