Helgi Margeirs ráðinn verkefnastjóri hjá unglingaráði kkd. Tindastóls

feykir.is Skagafjörður, Íþróttir 01.07.2022 kl. 10.44 oli@feykir.is
Nýr formaður unglingaráðs, Hrefna Reynisdóttir, og Helgi Freyr Margeirsson við undirritun samningsins. MYND AF FB
Nýr formaður unglingaráðs, Hrefna Reynisdóttir, og Helgi Freyr Margeirsson við undirritun samningsins. MYND AF FB

Unglingaráð körfuknattleiksdeildar Tindastóls hefur ráðið Helga Freyr Margeirsson sem verkefnastjóri unglingaráðs. „Ég er bara mjög spenntur að taka við þessu starfi sem verkefnastjóri hjá Unglingaráði. Það er svo gaman að starfa í körfuboltakreðsunni hérna í Skagafirði, ótrúlegur áhugi á starfinu hvar sem maður kemur og einhvernveginn alltaf eitthvað í gangi,“ sagði Helgi þegar Feykir spurði hvernig verkefnið legðist í hann.

„En já, þetta er í raun nýtt starf hjá deildinni og er í mótun þó auðvitað sé búið að leggja línurnar. Stór partur af því er að leggja upp stefnu fyrir yngriflokkastarf deildarinnar sem unnið verður eftir markvisst að fyrirfram settum markmiðum. Markmiðin eru svo bæði mörg og fjölbreytt, allt frá því að auka gæði þjálfunar, finna leiðir til að auka æfingatíma fyrir körfuboltann í íþróttahúsinu sem er löngu sprungið, fjölga iðkendum af báðum kynjum, halda þeim lengur í íþróttinni og auka sýnileika á starfi yngri flokkanna,“ segir hann.

„Verkefnastjóri er milliliður stjórnar unglingaráðs og þjálfara deildarinnar. Hann sinnir jafnframt tengslum milli elstu iðkenda og meistaraflokka. Hann ber ábyrgð á því að þjálfunarstarf innan félagsins sé í samræmi við stefnur og markmið deildarinnar samkvæmt handbók deildarinnar. Setur upp þjálfunaráætlanir fyrir alla flokka og að þær endurspegli þjálfunarmarkmið námskrár unglingaráðs,“ segir í tilkynningu unglingaráðs á Facebook-síðu körfuknattleiksdeildarinnar um leið og Helgi er boðinn velkominn til starfa.
 
Helgi minnir á að skráning í Körfuboltabúðir Tindastóls eru í fullum gangi og hvetur hann alla til að koma í þær.
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Vertu sól | Leiðari 44. tbl. Feykis

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04 oli@feykir.is
    Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.
    Meira
  • Fanney Rós og Sebastían Leó.

    Fannst tilvalið þegar hún var 14 ára gömul að sauma skírnarkjól

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51 klara@nyprent.is
    Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.
    Meira
  • Enskunemar komnir á safn.Á neðri myndinni gefur að líta svokallaða prófessora, Lee Ann og Evu Óskars. MYNDIR AÐSENDAR

    Enskunemar sóttu Harry Potter heim

    feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12 oli@feykir.is
    Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.
    Meira
  • Igla Stefanía er oddviti Píratar. AÐSEND MYND

    Nörd sem elskar að spila tölvuleiki

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19 oli@feykir.is
    Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.
    Meira
  • Ingibjörg Davíðsdóttir er oddviti Miðflokksins í Norðvesturkjördæmi. AÐSEND MYND

    Hressandi að skella sér í sjósund

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15 oli@feykir.is
    Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.
    Meira
Yfirlit frétta