Hekla Guðrún vann Nemakeppni Kornax 2023
Sú skemmtilega keppni, Nemakeppni í bakaraiðn, var haldin 6. október sl. en úrslitakeppnin var svo haldin fimmtudaginn 12. og föstudaginn 13. október í Hótel- og matvælaskólanum, bakaradeild Menntaskólans í Kópavogi og átti Norðurland vestra tvo fulltrúa í þessari keppni, skagstrendinginn Heklu Guðrúnu Þrastardóttur hjá Hygga Coffee & Micro bakary og Hugbjörtu Lind Möller, sem vinnur í Sauðárkróksbakaríi.
Þessi keppni hefur verið haldin síðan 1998 og er frábær vettvangur fyrir bakaranema til að spreyta sig og öðlast þar með dýrmæta reynslu sem nýtist vel í verklegu lokaprófi og í sveinsprófi. Í ár áttu nemendur að útbúa glæsilegt veisluborð þar sem ýmislegt brauðmeti eins og vínarbrauð og skrautstykki voru í aðalhlutverki og tóku 13 bakaranemar þátt í keppninni. Til að komast áfram úr forkeppninni þurftu nemendur að vera skapandi, vel skipulagðir og framkvæma í samræmi við undirbúninginn. Þeir þurftu að finna sér þema og tengja baksturinn við það. Af þeim þrettán sem tóku þátt voru aðeins sex sem
komust í úrslitin og náðu Hekla og Hugbjört báðar að tryggja sér sæti í úrslitakeppninni. Það sem var einstaklega skemmtilegt við þessa keppni í ár var að einungis kvenkyns nemar náðu að komast áfram sem hefur ekki gerst í 25 ár því þessi stétt hefur verið karllæg í gegnum árin og því góð þróun hér á ferðinni.
Á heimasíðu Líflands, sem flytur inn Kornax hveiti og er aðal styrktaraðili keppninnar, segir Árni Þorvarðarson, fagstjóri bakaradeildar í Hótel- og matvælaskólanum. "Það er einstaklega skemmtilegt að sjá þá sköpun sem fram fer í keppni sem þessari og fylgjast með því sem nemarnir töfra fram. Listrænir hæfileikar hvers og eins skína í gegn og brauðið og kræsingarnar fanga augað. Það er gaman að sjá hversu mikið keppnin hefur sprungið út, metþátttaka var í ár og framtíðin er björt í faginu,“
Feykir óskar Heklu og Hugbjörtu til hamingju með árangurinn og hlakkar til að fylgjast með þeim í framtíðinni.
Hver veit nema önnur hvor þeirra eigi eftir að eiga Köku ársins einn daginn.
Frá vinstri: Guðbjörg Salvör Skarphéðinsdóttir frá Kökulist var í 2. sæti, Í því þriðja var Lovísa Þórey Björgvinsdóttir frá Bæjarbakaríi og Hekla Guðrún Þrastardóttir hjá Hygge Coffee & Micro bakery sem var í fyrsta sæti. LJÓSMYND: ÁRNI ÞORVARÐARSON.
Fleiri fréttir
-
Látum ljósin loga í sveitunum | Álfhildur Leifsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 17.11.2024 kl. 23.06Íslenskir bændur lifa ekki af launum sínum, eru í stöðugum taprekstri og þurfa að vinna tvöfalt jafnvel þrefalt á við annað fólk. Það er mikilvægt að í nýju stuðningskerfi landbúnaðarins fái bændur mannsæmandi laun fyrir að sinna því mikilvæga samfélagshlutverki að framleiða matinn sem við hin þurfum á að halda, yrkja land og huga að umhverfinu. Matvælaframleiðsla er ekki aðeins mikilvæg fyrir heilsu almennings og efnahag, heldur einnig grundvöllur sjálfstæðis okkar sem þjóðar. Við verðum að horfast í augu við þá pólitísku staðreynd að án bænda verður enginn íslenskur landbúnaður.Meira -
Þórður Ingi er fyrsti meistari PKS
feykir.is Skagafjörður, Íþróttir, Lokað efni 17.11.2024 kl. 18.25Meistaramót karla hjá Pílukastfélagi Skagafjarðar fór fram í gær, laugardaginn 16. nóvember. Til leiks mættu 14 einbeittir félagar. Í úrslitum var það Þórður Ingi Pálmarsson sem stóð uppi sem sigurvegari og er því fyrsti meistari PKS.Meira -
Songs in the Key of Life gaf Gunnari hálfpartinn nýja sýn á tónlist / GUNNAR SIGFÚS
feykir.is Skagafjörður, Austur-Húnavatnssýsla, Tón-Lystin, Lokað efni 17.11.2024 kl. 14.58Að þessu sinni er það íbúi í Kópavogi sem svarar Tón-lystinni, Gunnar Sigfús Björnsson, bassaleikari af árgangi 1991. „Ég er fæddur á Sauðárkróki og uppalinn að miklu leyti á Varmalæk í Lýtingsstaðahrepp. Foreldrar mínir eru Björn Sveinsson frá Varmalæk og Sólveig Sigríður Einarsdóttir frá Mosfelli. Ég flutti að Mosfelli í Austur-Húnavatnssýslu fyrir grunnskóla og var í Húnavallaskóla en var þó mikið í Skagafirði líka,“ segir Gunnar Sigfús.Meira -
Glæstur sigur varnarleiksins gegn liði Grindavíkur
feykir.is Skagafjörður, Íþróttir, Lokað efni 16.11.2024 kl. 23.47Stólastúlkur héldu suður í Smárann í Kópavogi í dag þar sem gulir og glaðir Grindvíkingar biðu þeirra. Heimaliðið hafði unnið þrjá leiki af fimm en lið Tindastóls tvo af fimm í fyrstu umferðunum en síðast fengu stelpurnar okkar yfir 100 stig á sig gegn liði Þórs. Það mátti því reikna með að varnarleikur hafi verið undirbúinn og það var ekki laust við að liðin lagt mikið púður í varnarleikinn. Það voru Stólastúlkur sem leystu sín mál betur og þær náðu í einn sigur til viðbótar. Lokatölur 57-68 fyrir Tindastól.Meira -
„Ef þetta er það fyrsta þá held ég að við eigum von á góðu!“ segir Vigdís Hafliða
feykir.is Vestur-Húnavatnssýsla, Listir og menning, Lokað efni 16.11.2024 kl. 16.00Jú, Dagur íslenskrar tungu er í dag og Málæði er í Sjónvarpinu í kvöld en eins og hefur komið fram á Feykir.is þá eiga bæði Grunnskólinn austan Vatna og Grunnskóli Húnaþings vestra lag í þriggja laga úrslitum. GDRN söng lag þeirra austan Vatna en það var hins vegar Vigdís Hlöðversdóttir sem söng lag stúlknanna í Húnaþingi vestra, Hringiða. Feykir sendi Vigdísi nokkrar spurningar í dag og hún gaf sér tíma til að svara þeim í miðjum afmælisundirbúningi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.