Háskóli Íslands og Háskólinn á Hólum sameinast um háskólasamstæðu
Háskóli Íslands (HÍ) og Háskólinn á Hólum (HH) hafa komið sér saman um grunnatriði stjórnskipulags háskólasamstæðu. Um er að ræða stórt skref í átt að sameiningu skólanna tveggja í háskólasamstæðuna, sem fýsileikagreining gaf til kynna að yrði farsælt skref.
Í tilkynningu á vef Stjórnarráðsins fagnar Áslaug Arna Sigurbjörnsdóttir, háskóla-, iðnaðar- og nýsköpunarráðherra þessum mikilvæga áfanga. „Það eru 16 ár frá því að síðasta sameining háskóla átti sér stað og löngu tímabært er að sameina fleiri skóla. Við erum of fámenn þjóð til að reka sjö háskóla og það að við dreifum kröftum okkar svo víða bitnar á gæðum námsins og nemendum sem eiga betra skilið. Samstarfið við háskólana tvo í þessu ferli hefur verið afar gott og ánægjulegt að sjá að þeir hafa báðir nálgast þetta stóra verkefni með opnum huga og vilja til að leysa þau úrlausnarefni sem komið hafa upp. Háskólasamstæða er þekkt erlendis og nálgun sem mun vonandi efla menntakerfið hérlendis,“ segir Áslaug Arna en nánar er sagt frá málinu á vef stjórnarráðsins >
Mikil uppbygging áætluð á Hólum og Sauðárkróki
Feykir hafði samband við Hólmfríði Sveinsdóttur, rektor Háskólans á Hólum, og bað um viðbrögð. „Háskólasamstæða Háskóla Íslands og Háskólans á Hólum er að mínu mati framfaraskref fyrir háskólastarfsemi í landinu. Hún bindur saman landsbyggðina og höfuðborg-arsvæðið á sterkan hátt. Háskólinn á Hólum hefur mikla sérstöðu á meðal íslenskra háskóla þar sem hann byggir undir mikilvægar framtíðar atvinnugreinar sem stundaðar eru að miklu leiti á landsbyggðinni eins og lagareldi, ferðaþjónusta í dreifbýli og íslenski hesturinn. Með öflugu samstarfi innan háskólasamstæðunnar gefst tækifæri til að efla enn frekar nám og rannsóknir á þessum fræðasviðum og byggja undir þær á þverfaglegum grundvelli.
Til dæmis verður stefnt að því að bjóða upp á þverfaglegar námsleiðir eins og fiskeldi með áherslu á umhverfisfræði, ferðamálafræði með áherslu á fornleifafræði eða reiðmennsku og reiðkennslu með áherslu á viðskiptafræði.“
Hólmfríður segir að eins gefist Háskóla Íslands mikilvægt tækifæri til að efla nám og rannsóknir í tengingu við öfluga matvælaframleiðslu á sviði landbúnaðar og sjávarútvegs. „Mikil uppbygging á sérhæfðu kennslu- og rannsóknahúsnæði á Hólum og á Sauðárkróki er áætluð samhliða myndun háskólasamstæðunnar til að standa undir eflingu náms og rannsókna tengdum lagareldi, ferðaþjónustu og íslenska hestinum. Það má því búast við töluverðri fjölgun starfsfólks og þá sér í lagi nemenda með tilkomu háskólasamstæðu í Skagafirði en háskólasamstæður hafa verið myndaðar víða erlendis til að efla hinar dreifðu byggðir,“ segir Hólmfríður að lokum.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.