Háskóladagurinn á laugardaginn kemur
Háskóladagurinn verður haldinn í Ráðhúsi Reykjavíkur laugardaginn 20. febrúar kl. 11– 16. Háskólinn á Hólum mun kynna námsframboð sitt, nemendur og kennarar verða á staðnum til að svara fyrirspurnum. Einnig verður formaður Stúdentafélags Hólaskóla í básnum og boðið verður upp á veitingar sem tengjast starfsemi skólans.
Háskólinn á Akureyri, Háskólinn á Bifröst, Háskólinn í Reykjavík, Landbúnaðarháskóli Íslands og Listaháskóli Íslands verða einnig í Ráðhúsinu. Kynning Háskóla Íslands verður á Háskólatorgi, í Gimli og í Odda. Í Norræna húsinu bjóða norrænir háskólar upp á kynningu á framhaldsnámi í Danmörku og Svíþjóð.
Það er mikilvægt fyrir stúdenta að kynna sér vel hvað háskólarnir hafa upp á að bjóða. Að velja sér háskólanám geta verið mikil tímamót. Sérhæfing Háskólans á Hólum er einstök. Náið samstarf við atvinnulíf, gæði í kennslu sem og sérhæfðar rannsóknir eru einkennandi fyrir skólann. Við Háskólann á Hólum eru margar leiðir fyrir nemendur sem vilja starfa við framtíðaratvinnuvegi Íslands og þekkt er að Hólafólk er eftirsóttir starfskraftar.
Skólinn er persónulegur, það þekkjast flestir með nafni, einnig þeir sem eru í fjarnámi. Aðstaðan í háskólasamfélaginu er til fyrirmyndar, mjög góð þjónusta er í boði á staðnum og háskólasamfélagið á Hólum er einstaklega fjölskylduvænt. Það er ástæða fyrir því að talað er um að fara heim að Hólum.
Verið velkomin í Ráðhús Reykjavíkur, laugardaginn 20. febrúar næstkomandi og kíkið á fjölbreytt úrval námsleiða sem háskólarnir bjóða upp á.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.