Groundhog Day!
Tindastólsmönnum hlýtur eiginlega að líða eins og persónu Bill Murray í kvikmyndinni Groundhog Day sem upplifði aftur og aftur sama ömurlega daginn þar sem allt endurtók sig. Í gær tóku Stólarnir á móti KS/Leiftri og eins og svo oft í sumar fór allt í kaldakol í blálokin. Gestirnir gerðu sigurmarkið á 93. mínútu og 1-2 tap því staðreynd.
Það var kalt á vellinum en aðstæður þó ágætar og fjölmargir áhorfendur, kannski helst til of mikið af stuðningsmönnum gestanna miðað við heimamenn. Leikurinn hófst með látum. Tindastólsmenn höfðu fært Bjarka Má framar og Sævar stjórnaði vörninni og þetta svínvirkaði framan af leik. Gestunum gekk illa að eiga við baráttuglaða Stóla sem voru greinilega til í tuskið að þessu sinni. Það leið ekki á löngu þar til Ingvi Hrannar kom heimamönnum yfir með ágætu marki eftir skot frá fjærstöng. Tindastólsmenn sóttu áfram enda hefur það verið vandamál að ná og halda góðri forystu. Gestirnir komust þó betur inn í leikinn eftir því sem leið á hálfleikinn en heimamenn klárlega betri. 1-0 í hálfleik.
Tindastólsmenn voru áfram sókndjarfir í upphafi síðari hálfleiks. Pálmi spændi af sér andstæðingana á kantinum en ekki tókst að nýta ágæta möguleika sem sköpuðust. Vendipunkturinn í leiknum var síðan þegar Davíð Rúnars sendi boltann inn fyrir vörn gestanna þar sem Ingvi Hrannar var á auðum sjó. Hann tók sér of góðan tíma í náðarhöggið og varnarmanni tókst að trufla hann um leið og hann ætlaði að setjann framhjá markmanni gestanna. Á 76. mínútu lét gömul grýla á sér bera. Raggi Hauks fékk boltann rétt fyrir utan vítateig Tindastóls, náði góðri hreyfingu og lét Sævar Péturs brjóta á sér rétt innan teigs og síðan hamraði kappinn boltann í markið úr vítaspyrnunni. Staðana orðin 1-1 og Stólarnir urðu að gjöra svo vel að sækja til sigurs.
Við þetta opnaðist leikurinn uppá gátt og bæði lið fengu ágæt færi til að komast yfir. Marri kom inn fyrir Bjarka sem var búinn með bensínið. Gísli Sveins varði frá gestunum í dauðafæri en á 93. mínútu kom hann engum vörnum við þegar Stólarnir gerðu sig seka um slæm varnarmistök og gestirnir réðu sér vart af kæti. Davíð Rúnars náði að skapa sér eitt hálffæri áður en ágætur dómari leiksins flautaði af en skotið var veikt. Lokatölur 1-2.
Nú eru tvær umferðir eftir af mótinu og ljóst að Tindastólsmenn verða að sigra báða leiki sína ef þeir ætla að halda sæti sínu í deildinni. Næsti leikur er gegn Magna Grenivík en lið Magna er í næsta sæti fyrir ofan Stólana og síðasti leikurinn er hér heima gegn Hvöt frá Blönduósi. Flestir eru sammála um að liðið hafi alls ekki sýnt hvað í því býr í sumar en það verður ekki horft framhjá því að markaskorun er aðal vandamál liðsins en Tindastóll hefur aðeins gert eitt mark að meðaltali í leik það sem af er móti. En það er allt hægt í fótbolta og Tindastóll er ekki fallinn - það er enn von!
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.