Grískur matarþáttur
Matgæðingur í tbl 44, 2020 var Rakel Sunna Pétursdóttir. Hún er ættuð úr Vestur-Húnavatnssýslu, nánar tiltekið Þórukoti í Víðidal. Rakel Sunna býr núna í Reykjavík með kærastanum sínum og litla bróður en þar stundar hún nám við snyrtifræðibraut Fjölbrautaskóla Breiðholts.
„Mér hefur alltaf fundist gaman að elda og baka og hef ég unnið mikið með kokkum og þjónum. Ég og kærasti minn (Jóhann Bragi) bjuggum úti í Grikklandi í fyrra vegna skiptináms og lærði ég mikið inn í gríska matargerð og mun ég deila smá af því hér.“ Rakel gefur okkur þrjár uppskriftir, grískt salat sem Grikkir borða með nánast öllum mat. Rakel finnst tilvalið að bera salatið framm með flatbrauði (grísku pítubrauði), Tzatziki dressingu og kjúklingaspjótum og það má alveg stækka og minnka uppskriftina eftir hentisemi. Svo er það Pretzels eða kringlur eins og við myndum kalla þær og svo besta súkkulaðikakan, súkkulaðikaka ala Rakel.
UPPSKRIFT 1
Grískt salat
1 græn paprika
1 rauð papríka (það skiptir ekki máli hvaða tegund papriku er notað)
1 gúrka (það er val um að skræla)
10 tómatar
1-2 laukar (það er líka val hvort notað er rauð- eða hvítur laukur)
1 bolli ólífur með steini
1 fetakubbur
pínu salt og pipar
u.þ.b. 1 msk. oregano
Aðferð: Allt skorið í frekar stóra og grófa bita. Fetaostur er einn vinsælasti osturinn úti og er hann allt öðruvísi en þessi sem við fáum hér heima. Fetakubburinn er því líkastur þeim osti og verður hann að vera alveg hreinn. Mikilvægasta skrefið er dass af oregano.
UPPSKRIFT 2
Pretzels
360 ml volgt vatn
2 ¼ tsk. þurrger
1 msk. brætt smjör
1 msk. púðursykur
500 g hveiti
1 tsk. salt
Aðferð: Volgt vatn og þurrger hrært saman og látið standa í 2-3 mínútur. Síðan er bræddu smjöri og púðursykrinum bætt saman við. Þetta er síðan sett saman í hrærivélaskál og hrært smá saman ásamt hveiti og salti. Þegar deigið er tilbúið er það skorið í jafna bita og rúllað út í Pretzels form. Pretzelin sett eitt í einu ofan í sjóðandi matarsótabað í um 20 sek. Það er áríðandi að passa að það sé ekki meira en 20 sek. því annars kemur mjög mikið járnbragð af
Pretzelinu.
Pretzel baðið:
2200 ml vatn
120 g matarsóti
1 egg
gróft salt
Aðferð: Eggið og saltið notað til að pensla og strá yfir þegar Pretzelstykkin eru búin í baðinu. Þau fara svo á pappírsklædda ofnplötu og inn í ofn á 200°C í
12–15 mínútur eða þar til þau eru orðin gullinbrún.
UPPSKRIFT 3
Svo ef þið elskið súkkulaðikökur þá er þetta besta súkkulaðikakan!
Súkkulaðikaka ala Rakel Sunna
2 ½ dl hveiti
2 dl sykur
½ tsk. matarsódi
½ tsk. lyftiduft
hnífsoddur til hálf tsk. af salti
1 egg
1 ½ dl mjólk
¾ dl matarolía
1 tsk. vanilludropar
2 ½ msk. kakó
Aðferð: Hræra þessu öllu saman, setja inn í ofn á 180°C í 15-20 mínútur.
Karamellu / súkkulaði rjómaostakrem.
400 g smjör
200 g rjómaostur
600 g flórsykur
100 g kakó (má sleppa og setja heimagerða karmellusósu)
2 tsk. vanilludropar
1 dl sterkt kaffi við stofuhita (má sleppa, og mæli ég með að sleppa ef það á að sleppa kakóinu)
Heimagerð saltkaramella
200 g sykur
100 g smjör
1 dl rjómi
1 tsk. salt
Annað : Það er mjög gott að setja á milli laganna heimatilbúna saltkarmellu og hindberjasultu ef ykkur langar að prófa eitthvað nýtt. Gott er að búa til saltkaramelluna deginum áður.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.