Grímur Atlason sendir Skagfirðingum tóninn um leið og hann yfirgefur VG
Grímur Atlason, sveitastjóri Dalamanna, sendir Skagfirðingum heldur betur tóninn í bloggi sínu á Eyjunni í gær. Eru það helst Vinstri Grænir og framsóknarmenn sem hann agnúast út í og kallar hann baráttu Jóns Bjarnasonar á móti umbótum eins og hann orðar það hámark skagfirskunnar. Grímur hefur nú yfirgefið VG.
Við skulum gefa Grími orðið ; -Ég var í sveit í skagafirðinum á 8. áratugnum. Það var reglulega gaman. Var síðan einu sinni sendur þangað í byrjun 9. áratugarins og var það ekki jafn gaman því ég strauk á 3. degi. Mér finnst stemming 9. áratugarins hafa haldið sér í Skagafirði. Þar virðast margir sjá heiminn talsvert útfrá sínu kaupfélagi og sínum litla hring. Andi Sambandsins ræður þar ríkjum þegar kemur að stjórnmálum og fyrirtækjarekstri.
Skagfirðingar ályktuðu eftir hrun að opinber störf í Skagafirði væru dýrmætari en annar staðar á landinu. Gamli Hóla rektorinn tók undir þetta í kosningabaráttunni fyrir síðustu Alþingiskosningar þegar hann sagði að skera ætti niður á öllum stöðum nema í NV-kjördæmi. Barátta hans á móti umbótum í stjórnsýslunni eru síðan fullkomin birtingarmynd skagfirskunnar.
Framsóknarflokkurinn galt afhroð á SV-horninu hvar 2/3 íbúa landsins búa í kosningunum á laugardaginn. Flokkurinn hlaut 4% atkvæða sem verður að teljast verulega vondur árangur. Það er helmingur þess fylgis sem áður var verst. Guðmundur Steingrímsson þingmaður flokksins hafði af þessu miklar áhyggjur og gagnrýndi forystu flokksins og þá aðallega formanninn. Skipti þá engum togum að Skagfirðingar risu upp og báðu hann ýmist að segja af sér eða að ganga aftur í Samfylkinguna.
Það virðist vera nokkur lenska hjá framsóknarmönnum í Skagafirði að nota skammaryrðið „Samfylkingin“ um þá sem eru þeim ekki þóknanlegir. Þetta á einnig við um framsóknararminn í VG. Ég á ótal fjölpósta frá skagfirsku framsóknarklíkunni í VG hvar þeir óska þess heitast að ég fari aftur í Samfylkinguna – enda sé ég óalandi og óferjandi að þeirra mati. Daður mitt við ESB ku hafa kostað flokkinn hreinan meirihluta í NV-kjördæmi – eins og kosningastjóri flokksins benti á í einu af þessu fjölbréfum. Í framhaldi af þessu stórtapi flokksins í NV-kjördæmi stóð einn Skagafjarðarbersinn upp á flokksráðsfundi sl. haust og bað mig um að yfirgefa flokkinn og fara aftur heim í Samfylkinguna.
Skagfirðingar í rauðgrænum dulbúningi geta loks tekið gleði sína á ný. Ég yfirgaf þeirra réttháa skip um helgina. Ég finn hins vegar til með skynsömu fólki sem vill vel en þarf að sitja undir þessu bulli dag eftir dag.
Því skal síðan haldið til haga að aldrei bauð ég mig fram fyrir Samfylkinguna eða gegndi þar neinum trúnaðarstörfum. Þann tíma sem ég var þar reifst ég talsvert um umhverfis- og byggðarmál . Ég þekki hins vegar mann sem bauð sig fram fyrir Samfylkinguna en yfirgaf hana þegar hann fékk ekki sætið sem hann stefndi á. Sá maður er nú leiðtogi helmings framsóknarmanna í Skagafirði og stjórnar landbúnaði og sjávarútvegsmálum þjóðarinnar. Líklega er gamli Giftstjórinn á Sauðárkróki kátur með það…
Fleiri fréttir
-
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira -
Sögur og sagnir af Skaga og upp til heiða og dala
feykir.is Austur-Húnavatnssýsla, Listir og menning, Lokað efni 02.04.2025 kl. 14.36Skagabyggð fékk á árinu 2024 styrk úr Uppbyggingarsjóði Norðurlands vestra til að safna og taka upp á stafrænt form ýmsar sagnir og fróðleik sem nota mætti í sögutengda ferðaþjónustu. Starfshópur á vegum Skagabyggðar og síðan Húnabyggðar eftir sameiningu, tók upp töluvert efni í viðtölum við fólk sem hafði sögu að segja og fróðleik að miðla.Meira -
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.