Grillað folaldafille með fíneríi
Matgæðingur í tbl 3 á þessu ári var Ragnar Heiðar Ólafsson, sonur Ólafs Jónssonar og Sigurbjargar Rögnvaldsdóttur sem eru oft kennd við Helluland í Hegranesinu. Ragnar býr á Hvammstanga og er umsjónamaður Félagsheimilisins í þeim fallega bæ.
„Þegar kemur að því að elda hugsa ég alltaf stórt og flókið sem kemur bragðlaukunum á óvart, enda alinn upp af kokk og ætti ekkert annað að koma á óvart. Folaldakjöt er í matinn í hverri viku á mínu heimili enda mitt uppáhald og er þetta auðveld aðferð sem allir eiga að ráða við,“ segir Ragnar Heiðar.
AÐALRÉTTUR
Grillað folaldafille með ofnbökuðu grænmeti, sætum kartöflum og piparostasósu
500 g folaldafille
olía
salt
pipar
blóðberg og bláber (notað í mareneringu)
Aðferð: Blandið saman í skál, salti, pipar, laufunum af blóðberginu og stappið bláberunum saman við. Ég hafði einnig greinarnar af blóð-berginu með. Setjið u.þ.b.. 2-3 msk. af olíu saman við og hyljið kjötið. Mér finnst best þegar ég marinera kjöt að hafa það að lágmarki í 2-3 tíma á eldhúsborði, oft hef ég það lengur ef tími gefst til. Einnig sný ég kjötinu nokkrum sinnum við er það liggur í mareneringu. Ég grillaði kjötið, byrjaði á að loka kjötinu á öllum hliðum. Því næst færði ég það upp á efri grind grillsins og lét það vera þar í u.þ.b. tíu mínútur. Ég grilla kjötið þannig að það sé medium/rare.
Ofnbakað grænmeti:
2-3 gulrætur, skornar langsum
½ brokkolí haus
1 laukur
7 hvítlauksgeirar
4 stilkar sellerý
1 fersk rauðbeða
olía
salt og pipar
Aðferð: Skar allt niður og raðaði í eldfast fat, kryddaði og setti smá olíu yfir. Bakist við 150°C í 40 mín.
Piparostasósa:
500 ml matreiðslurjómi
½ piparostur – eða meiri, smekksatriði
½ kjúklingateningur
Aðferð: Bræðið piparostinn í matreiðslurjómanum við vægan hita. Bætið svo kjúklingateningi saman við og hrærið vel í sósunni.
Ofnbakar sætar kartöflur:
2 sætar kartöflur, frekar stórar
4-5 msk. olífuolía
1 msk. púðursykur
1 og 1/2 msk. paprikuduft
1/2 tsk. malaður svartur pipar
1 tsk. laukduft
1 tsk. hvítlauksduft
1 tsk. kjúklingakrydd
1/2 tsk. chiliduft
smá cayenne pipar
Aðferð: Kartöflurnar eru flysjaðar og skornar í litla bita. Öllu blandað saman og sett í eldfast mót og inn í 200-220°C heitan ofn í 20-25 mín-útur. Tilbúið! Athugið að ef bitarnir eru stærri þarf að hafa þetta lengur í ofninum eða 35-40 mínútur.
EFTIRRÉTTUR
Einn fljótlegur
500 ml rjómi
1 lítil dós KEA vanilluskyr
1 tilbúinn brúnn marengs botn
ávextir, ber eða nammi sem þér finnst gott
Aðferð: Marengsbotninn er mul-inn niður í fat. Rjóminn er þeyttur og vanilluskyrið hrært út í rjómann með sleikju. Setjið ávextina, berin og nammið út í blönduna í því magni sem þið viljið. Betra er að byrja á því að setja lítið í einu og hræra með sleikjunni, setja svo meira ef vill. Ég nota oftast jarðarber, bláber, kókosbollu og súkkulaðirúsínur. Rjómablandan er svo lögð yfir marengsbotninn og skreytt að vild. Gott er að leyfa réttinum að standa smá stund áður en hann er borinn fram til þess að marengsbotninn blotni svolítið.
Verði ykkur að góðu
Sigga sigga sigga
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.