Grátlegt jöfnunarmark Vestra fyrir vestan
Baráttan í 2. deildinni í knattspyrnu heldur áfram og Tindastólsmenn voru nálægt því að krækja í öll þrjú stigin sem í boði voru gegn Vestra á Ísafirði á laugardaginn. Vestfirðingarnir tóku hins vegar upp á því að jafna leikinn á 94. mínútu og liðin fengu því sitt stigið hvort. Lokatölur 2-2.
Fallbaráttan í 2. deildinni er geysihörð að þessu sinni en fimm lið eru með 20 til 22 stig í sjöunda til ellefta sæti og hver sigur því gulls ígildi. Það var því ömurlegt að horfa upp á lið Vestra, sem er stigi fyrir neðan Stólana, ná að tryggja sér jafnteflið í uppbótartíma og langt frá því að vera í fyrsta skipti í sumar sem lokamínúturnar reynast Stólunum dýrkeyptar. Ef enginn væri uppbótartíminn í boltanum þá væri Tindastóll sennilega að berjast á hinum enda deildarinnar.
Tindastólsmenn voru með 2-0 forystu í hálfleik en Fannar Örn Kolbeinsson kom Stólunum yfir á 17. mínútu. Tíu mínútum síðar gerðu heimamenn í Vestra sjálfsmark og staða Stólanna því vænleg. Viktor Júlíusson minnkaði muninn á 70. mínútu og það var síðan þegar fjórar mínútur voru liðnar af uppbótartímanum sem Gilles Daniel Mbang Ondo jafnaði metin.
Nú eru fjórar umferðir eftir í deildinni og næsti leikur er hér heima nk. laugardag en þá kemur lið Víðis í Garði í heimsókn. Lið Víðis kom upp úr 3. deildinni með Stólunum síðasta haust en þeir eru nú að berjast fyrir sæti í 1. deild og því má reikna með baráttuleik á laugardaginn. Áfram Tindastóll!
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.