Grannaslagur á Blönduósi í kvöld
Blönduósvöllur, þriðjudaginn 14. júlí kl. 20:00 Hvöt – Tindastóll. Þá er komið að því að grannarnir takist á en í kvöld fer fram fyrri leikur liðanna í annari deildinni í knattspyrnu.
Ljóst má vera að ekkert verður gefið eftir því stigin þrjú eru ákaflega dýrmæt fyrir bæði lið. Hvöt situr nú í 8. sæti með 14 stig, jafnmörg og BÍ/Bolungarvík en Grótta sem situr í 3.sæti er aðeins með tveggja stiga forustu á Hvatarmenn með 16 stig. Hvatarmenn hafa tapað síðustu þremur leikjum þannig að ekkert kemur til greina en sigur í kvöld. Hvöt spilar í kvöld án Nezirs Ohrans markvarðar en hann fékk að líta rauða spjaldið í síðasta leik og tekur út leikbann í kvöld.
Tindastólsmönnum hefur gengið misvel í sínum leikjum en ef þeir sýna sama baráttuanda og var í síðasta leik þá eru þeir til alls líklegir. Í kvöld koma í liðið aftur þeir Stefán Arnar og Bjarki Már eftir meiðsli og Árni Einar sem sagður var hættur að leika með liðinu, er hættur við það og verður með í kvöld. Tindastóll situr í 10. sæti með 9 stig einu stigi á eftir Magna.
Blönduósingar sem og Króksarar eru hvattir til að fjölmenna á Blönduósvöllinn og styðja við bakið á sínu liði.
Fleiri fréttir
-
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira -
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.