Graflaxsósa og ljúffengt lambakjöt
Matgæðingarnir í 17. tbl. ársins 2017 voru þau Þórunn Helga Þorvaldsdóttir og Jóhann Böðvarsson á Akurbrekku í Hrútafirði. Þau eru sauðfjárbændur og eru með um 550 kindur. Þórunn er aðstoðarleikskólastjóri á leikskólanum Ásgarði á Hvammstanga en Jóhann er vélvirki og vinnur við pípulagningar. Börnin eru þrjú. „Eins og gefur að skilja er lambakjöt mikið á borðum á okkar heimili,“ segir Þórunn, „og þá er nú eins gott að láta hugmyndaflugið njóta sín í fjölbreytileikanum. Mig langar að gefa lesendum Feykis uppskrift af lambakjöti í marineringu sem er mikið notuð í minni fjölskyldu. Hægt er í raun að nota hvaða hluta af lambinu sem er en aðallega hefur lærið verið notað og þá oftast úrbeinað í væna bita og grillað.“
FORRÉTTUR
Reyktur og grafinn lax með ristuðu brauði og nauðsynlegt er að graflaxsósan sé heimagerð.
Graflaxsósa:
½ dós majones
1 vel full matskeið hunang
1 vel full matskeið sætt sinnep (franskt Dijon)
dill krydd eða ferskt dill (slatti af því)
Aðferð:
Þessu er öllu hrært saman og gott er að leyfa því að vera í skál í kæli í eina klukkustund til að leyfa því að samlagast betur.
AÐALRÉTTUR:
Lambakjöt í marineringu
2 dl matarolía
2 dl tómatsósa
2 dl vatn
2 tsk soyasósa
2 tsk karrý
5 tsk paprikukrydd
7 tsk kød og grill krydd
pressaður hvítlaukur eftir smekk eða um 6-7 lauf
Aðferð:
Öllu hráefninu er hrært vel saman og sett yfir kjötið. Gott að leyfa þessu að marinerast saman í 1-2 sólarhringa og svo er kjötið grillað eða lærið eldað í ofni.
Með þessu berum við fram kartöflur sem skornar eru í báta og velt upp úr olíu og settar í ofnskúffu. Látið sárið á kartöflunum snúa niður og setjið skúffuna í neðstu hilluna á 190°C í um klukkustund. Saltað þegar þær eru tilbúnar. Kartöflurnar verða stökkar á þeirri hlið sem sneri niður og einstaklega góðar.
Fleiri fréttir
-
Forval fyrir hönnunarsamkeppni um menningarhús í Skagafirði
feykir.is Skagafjörður, Lokað efni 13.11.2024 kl. 16.07Sveitarfélagið Skagafjörður óskar eftir umsóknum hönnunarhóps um þátttökurétt í lokaðri hönnunarsamkeppni vegna nýs Menningarhúss í Skagafirði að Faxatorgi á Sauðárkróki. Í tilkynningu á vef sveitarfélagsins segir að nýtt menningarhús muni annars vegar samanstanda af endurgerðu núverandi Safnahúsi og hins vegar nýbyggingu, samtals 2.241 m2.-Meira -
SSNV leitar að verkefnastjóra farsældar á Norðurlandi vestra.
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 13.11.2024 kl. 15.16Auglýst er til umsóknar nýtt starf verkefnastjóra farsældar á Norðurlandi vestra. Um er að ræða starf til tveggja ára sem ætlað er að vinna að markmiðum samnings SSNV við ráðuneyti mennta- og barnamála.Meira -
Ný glæsileg aðstaða AST tekin í notkun á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 13.11.2024 kl. 13.01Föstudaginn 8. nóvember opnaði lögreglustjórinn á Norðurlandi vestra, í samvinnu við almannavarnanefndir Húnavatnssýslna og Skagafjarðar, formlega nýja aðgerðastjórnstöð almannavarna (AST ) að Borgarflöt 1 á Sauðárkróki.Meira -
Vilja miklu stærra bákn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 13.11.2024 kl. 13.00Mjög sérstakt er að sjá forystumenn Viðreisnar og aðra frambjóðendur flokksins gagnrýna umfang íslenzku stjórnsýslunnar og segjast vilja minnka báknið á sama tíma og helzta stefnumál flokksins, sem öll önnur stefnumál hans taka í raun mið af, er að Ísland gangi í Evrópusambandið sem telur stjórnsýsluna hér á landi þvert á móti allt of litla til þess að standa undir þeim skuldbindingum sem fylgja inngöngu í sambandið. Þá er ekki beinlínis hægt að segja að áralöng vera Viðreisnar í meirihluta borgarstjórnar Reykjavíkur hafi leitt til þess að dregið hafi verið út bákninu þar á bæ. Þvert á móti hefur mikil útþensla átt sér stað.Meira -
Beint millilandaflug til Norðurlands: Lykill að fjölbreyttari og stöðugri ferðaþjónustu
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 13.11.2024 kl. 09.33Nýlega komu fyrstu flug easyJet frá London annars vegar og Manchester hinsvegar beint á Akureyrarflugvöll, flogið verður tvisvar í viku út mars. Þetta skiptir ferðaþjónustu á Norðurlandi öllu gríðarlegu máli. Skagafjörður hefur alla möguleiki á að vera vinsæll áfangastaður fyrir ferðamenn, hér eru fjölbreyttir útivistarmöguleikar, mikil saga og menning, fjöldi safna og sýninga, og náttúrufegurð allan ársins hring.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.