Góður sigur Hvatar á Hetti
Hvatarmenn tóku á móti liði Hattar frá Egilsstöðum í 19. umferð í 2. deild karla á Blönduósvelli í dag í sólskini en þó nokkrum norðanvindi. Leikurinn fór rólega af stað en fyrstu hálftímann voru Hvatarmenn meira með boltann og sköpuðu sér nokkur hálffæri í leiknum án þess þó að ógna marki Hattar verulega þó skal geta eins færis. En þá komst Muamer upp hægri kantinn og sendi góðan bolta inn á markteig Hattar en þar var mættur Sigurður Rúnar Pálsson. Hann var hindraður af tveimur leikmönnum Hattar og ekkert varð úr því færi.
Hvatarmenn voru ekki sáttir við dómara leiksins, Þórð Má Gylfason, í fyrri hálfleik og létu skapið hlaupa með sig í gönur og uppskáru þeir einungis tvö gul spjöld. Annað fyrir glórulaust brot og hitt fyrir leikaraskap. Staðan í hálfleik var 0-0.
Bæði liðið sóttu nokkuð á upphafsmínútum síðari hálfleik en það voru gestirnir sem skoruðu fyrsta mark leiksins er Garðar Már Grétarsson skoraði á 52. mínútu. Enn hélt baráttan áfram og tvö gul spjöld litu dagsins ljós hjá Hattarmönnum áður en Muamer Sadikovic skoraði jöfnunarmark Hvatar eftir góða stungusendingu inn fyrir vörn Hattar. Hattarmenn vildu fá dæmda rangstöðu en fréttaritari stóð í sömu línu og aðstoðardómari leiksins og getur staðfest að ekki var um rangstöðu að ræða.
Hvatarmenn áttu nokkur hálffæri og skot á mark gestanna en ekki vildi boltinn inn. Það var örlítið gegn gangi leiksins að Hattarmenn komust aftur yfir í leiknum á 75. mínútu. Þá fékk Jóhann Valur Clausen stungusendingu inn fyrir flata vörn heimamanna, lék laglega á markvörð Hvatar og sendi knöttinn í autt markið. Staðan orðin 1-2 og heimamenn allt annað en ánægðir með stöðuna. Áfram héldu þeir að sækja og uppskáru vítaspyrnu á 89. mínútu er brotið var á Agli Björnssyni eftir að boltinn var sendur inní teiginn frá hægri. Hattarmenn urðu vægast sagt brjálaðir yfir þessum dómi en dómarinn var sannkvæmur sjálfum sér í dómgæslunni og benti á vítapunktinn. Úr spyrnunni skoraði Muamer og jafnaði leikinn. Hans 14 mark í sumar í deildinni og hann er nú orðinn markahæstur ásamt tveimur öðrum.
Við það að jafna leikinn kom auka kraftur í heimamenn og þeir uppskáru sigurmark á 92. mínútu leiksins eftir mikla þvögu í markteig gestanna sem endaði með því að Egill Björnsson skoraði og allt ætlaði vitlaust að vera á vellinum og í áhorfendastúkunni. Egill var síðan borinn af velli rétt fyrir leikslok er hann fékk högg á hnakkann en hann hefur nú jafnað sig á því og verður að teljast hetja leiksins ásamt Muamer.
Hvatarmenn eru nú aftur komnir í 4. sæti deildarinnar með 30 stig en Hattarmenn eru í 6. sæti með 26 stig. Næsti leikur Hvatar er útileikur gegn Reyni þann 4. september kl. 18:30.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.