Góður árangur yngri flokka í körfu
Það hefur verið mikið um að vera hjá yngri flokkunum Tindastóls í körfubolta síðustu vikur. Mjög góð mæting hefur verið á æfingar og árangur okkar krakka er á uppleið og spennandi að fylgjast með því sem eftir er af keppnistímabilinu. Hér kemur yfirlit yfir fyrstu umferð fjölliðamótanna og árangur okkar liða í þeim.
Alls sendir Tindastóll 7 yngri flokka til leiks í Íslandsmótinu auk Unglingaflokks karla. Unglingaflokkurinn hefur nú leikið fjóra leiki, unnið einn og tapað þremur.
Það var 8. flokkur drengja sem reið á vaðið 10.-11. október sl. og kepptu strákarnir í B-riðli í Keflavík. Strákarnir unnu bæði Keflavík og Njarðvík, en töpuðu fyrir liðum Breiðabliks og Fjölnis. Fínn árangur hjá þeim sem halda sér þar með í B-riðli og geta án efa byggt ofan á þennan árangur í næsta móti sem verður 14.-15. nóvember.
8. flokkur stúlkna átti að spila þessa sömu helgi í C-riðli, en óhagstætt veðurfar og veikindi frestuðu mótinu og var það haldið hér á Sauðárkróki núna um síðustu helgi. Þar kepptu stelpurnar við Skallagrím og Hrunamenn. Þær unnu Skallagrím örugglega, en töpuðu með einu stigi fyrir Hrunamönnum, sem komast því upp í B-riðil. Um hreinan úrslitaleik var að ræða um hvort liðið kæmist upp. Næsta mót hjá þessum stelpum er 14.-15. nóvember.
10. flokkur stúlkna spilaði á Akureyri 17.-18. október í C-riðli. Stelpurnar unnu Þórsara örugglega, en töpuðu fyrir B-liði Grindavíkur og Hrunamönnum. Þær verða því áfram í C-riðli í næsta móti sem verður haldið 21.-22. nóvember.
9. flokkur drengja spilaði í D-riðli á Hvammstanga 24. október. Mótherjar strákanna voru Kormákur, Fjölnir B og Grindavík. Tindastóll vann alla sína andstæðinga í þessu móti og flytjast strákarnir því upp í C-riðil í næsta móti sem verður 21.-22. nóvember.
10. flokkur drengja keppti í C-riðli 24.-25. október í Reykjavík. Það sem er athyglisvert við þennan flokk er að þar eru aðeins þrír strákar í 10. bekk, en restin kemur úr 9. og 8. flokkum okkar. Strákarnir voru hársbreidd frá því að komast upp í B-riðil, unnu Val og Breiðablik en töpuðu með þremur stigum fyrir Keflavík. Þeir verða því áfram í C-riðli í næsta móti sem verður 21.-22. nóvember.
7. flokkur drengja keppti í B-riðli í Rimaskóla 24. október. Þeir unnu lið Vals en töpuðu fyrir Fjölni og Njarðvík og halda sér því uppi í riðlinum. Næsta mót hjá þeim veðrur 28.-29. nóvember n.k.
Minnibolti stúlkna keppti hér á Króknum í C-riðli 24. október. Það er skemmst frá því að segja að stelpurnar unnu alla sína andstæðinga örugglega og komust því upp í B-riðil. Næsta mót hjá minniboltastelpunum verður 28.-29. nóvember.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.